________________
जीवाभिगमसूत्रे
एगिदियतिरिक्खजोणियणपुंसगस्स णं भंते! केवइयं कालं ठिई पन्नत्ता ? गोयमा ! जहन्नेणं अंतोमुहुत्तं उक्कोसेणं बावीसं वास सहस्साई | पुढविक्काइयएगिदियतिरिक्खजोणियणपुंसगस्स णं भंते ! केवइयं कालं ठिई पन्नत्ता ? गोयमा ! जहन्नेणं अतोमुहुत्तं उक्कोसेणं बावीस वाससहस्साईं, सव्वेसिं एगिंदियणपुंसगाणं ठिई भाणियव्वा । बेइंदियतेइंदियचउरिंदियणपुंसगाणं ठिई भाणियव्वा । पंचिदियतिरिक्खजोणियणपुंसगस्स णं भंते! केवइयं कालं ठिई पन्नत्ता ? गोयमा ! जहन्नेणं अंतोमुहुत्तं उक्कोसेणं पुव्वकोडी एवं जलयरतिक्खि च उप्पदथलयरउरपरिसप्पभूय परिसप्पखहयर तिरिक्खजोणिय णपुंसगाणं सव्वेसिं जहन्नेणं अंतोमुहुत्तं उक्कोसेणं पुव्वकोडी | मणुस्सण पुंसगस्स णं भंते! केवइयं कालं ठिई पन्नत्ता ? गोयमा ! खेत्तं पडुच्च जहन्नेणं अंतोमुहुत्त उक्कोसेणं पुव्वकोडी | धम्मचरणं पडुच्च जहन्नेणं अतोमुहुत्तं, उक्कोसेण देसूणा पुव्वकोडी | कम्मभूमिगभरहेखयपुण्वविदेह अवरविदेहमणुस्सण पुंसगस्स वितव । अकम्मभूमिग मणुस्सण पुंसगस्स णं भंते ! केवइयं कालं ठिई पन्नत्ता ? गोयमा ! जम्मणं पडुच्च जहन्नेणं अंतोमुहुत्तं, उक्कोसेणं वि अंतोमुहुत्तं, साहरणं पडुच्च जहन्नेणं अंतोमुहुत्तं, उक्कोसेणं देसूणा पुव्वकोडी, एवं जाव अंतर दीवगा णं ॥ १४ ॥
५३४
छाया - -नपुंसकस्य खलु भदन्त ! कियन्तं कालं स्थितिः प्रज्ञप्ता ? गौतम ! जघन्येनान्तर्मुहूतम् उत्कर्षेण त्रयस्त्रिंशत्सागरोपमाणि । नैरयिकनपुंसकस्य खलु भदन्त ! कियन्तं कालं स्थितिः प्रज्ञप्ता ? गौतम ! जधन्येन दशवर्षसहस्राणि उत्कर्षेण त्रयस्त्रिंशत्सागरोपमाणि । सर्वेषां स्थिति यथा प्रज्ञापनायां स्थितिपदे तथा भणितव्या यावदधः सप्तमी
જીવાભિગમસૂત્ર
