________________
सुबोधिनी टीका. स. ८५ सूर्याभस्य इन्द्राभिषेकवर्णनम्
५७१ जेणेव समयखेतं जेणेव भरहेरवयाइं वासाई जेणेव मागहवरदामपभासाइं तित्थाई तेणेव उवागच्छंति, उवागच्छित्ता त्तित्थोदगं गेण्हंति, गेण्हित्ता तित्थमट्टियं गेहंति, गेण्हित्ता जेणेव गंगा-सिंधु-रत्ता-रत्तवईओ महाणइओ तेणेव उवागच्छंति, उवागच्छित्ता सलिलोदगं गेण्हंति, गेण्हित्ता उभओ कूलमट्टियं गेण्हंति, गिण्हित्ता जेणेव चुलहिवतसिहरिवासहरपव्वया तेणेव उवागच्छति, उवागच्छित्ता दगं गेपहंति, सव्वत्तयरे सवपुप्फे सव्वगंधे सव्वोसहिसिद्धत्थए गिण्हंति गिरिहत्ता जेणेव पउमपुंडरीयदहे तेणेव उवागच्छंति, उवागच्छित्ता दहोदगं गेण्हंति, गेण्हित्ता जाइं तत्थ उप्पलाइं जाव सहसहस्सपत्ताई ताई गेण्हति, गेण्हित्ता जेणेव हेमवयएरवयाइं जेणेव रोहियरोहियंसा सुवण्णकुल रुप्पकुलाओ महाणंईओ तेणेव उवागच्छंति, सलीलोदगं गेण्हंति, गेण्हित्ता उभओ कुलमट्टियं गिण्हंति, गिण्हित्ता जेणेव सद्दावइवियडावइपरियागा वट्टवेयड्ढपव्वया तेणेव उवागच्छंति, उवागच्छित्ता सम्बतूयरे तहेव जेणेव महाहिमवंतरुप्पिवासहरपवया तेणेव उवागच्छंति, तहेव जेणेव महापउम महापुंडरीयद्दहा तेणेव उवागच्छंति, उवागच्छित्ता दहोदगं गेहंति, तहेव जेणेव हरिवासरम्मगवासाइं जेणेव हरिकंत-नारिकंताओ महाणई ओ तेणेव उवागच्छंति, तहेव जेणेव गंधावइमालवंतपरियाया वटवेयडढपवया तेणेव तहेव जेणेव णिसढनीलवंतवासहरपव्वया तहेव जेणेव तिगिच्छि केसरिदहाओ तेणेव उवागच्छंति, उवागच्छित्ता तहेव महाविदेहे सासे जेणेव सीया सीओदाओ महाणईआ तेणेव
શ્રી રાજપ્રક્ષીય સૂત્રઃ ૦૧
