________________
५७०
राजप्रश्नीयसूत्रे हियया करयलपरिग्गहियं सिरसावत्तं मत्थए अंजलिं कटु 'एवंदेवो तह'-त्ति आणाए विणएणं वयणं पडिसुणंति, पडिसुणित्ता उत्तरपुरस्थिमे दिसोभागे अवकमंति, अवकमित्ता वेउव्वियसमुग्घाएणं समोहण्णेति, समोहणित्ता संखेज्जाई जोयणाई जाव दोच्चपि वेउव्वियसमुग्घाएणं समोहणित्ता इट्ठसहस्सं सोवन्नियाणं, कलसाणं, अट्टसहस्सं रुप्पमयाणं कलसाणं, अट्ठसहस्सं मणिमयाणं कलसाणं, असहस्सं सुवण्णरुप्पमयाणं कलसाणं, असहस्सं, सुवण्णमणिमयाणं कलसाणं, अट्ठसहस्सं रुप्पमणिमयाणं कलसाणं, अट्ठसहस्सं सुव्वण्णरुप्पमणिमयाणं कलसाणं असहस्सं भोमिज्जाणं कलसाणं, एवं भिंगाराणं आयंसाणं थालाणं पाईणं सुपइट्टाणं बायकरगाणं रयणकरगाणं पुप्फचंगेरीणं जाव लोमहत्थचंगेरीणं पुप्फपडलगाणं जाव लोमहत्थपडलगाणं सीहासणाणं छत्ताणं चामराणं तेल्लसमुग्गाणं जाव अंजणसमुग्गाणं झयाणं अट्टसहस्सं धूवकडुच्छुयाणं विउव्वति, विउवित्ता ते सभाविए य वेउविए य कलसे य जाव कडुच्छुए य गिण्हंति, गिहित्ता सूरियाभाओ विमाणाओ पडिनिक्खमंति, पडिनिक्खमित्ता ताए उकिट्टाए चवलाए जाव तिरियमसंखेज्जाणं जाव वीइवयमाणे वीइवयमाणे जेणेव खीरोदयसमुद्दे तेणेव उवागच्छिंति, उवागच्छित्ता खीरोयगं गिण्हंति, जाई तत्थुप्पलाइ ताई गेण्हंति जाव सयसहस्सपत्ताई गिण्हंति गिण्हित्ता जेणेव पुक्खरोदए समुद्दे तेणेव उवागच्छंति, उवागच्छित्ता पुक्खरोदयं गेण्हंति, गिण्हित्ता जाइं तत्थुप्पलाई सयसहस्सयत्ताई ताइं जाव गिण्हंति, गिणिहत्ता
શ્રી રાજપ્રશ્રીય સૂત્રઃ ૦૧
