________________
राजप्रश्नीयसूत्रे सवणयाए किमंगपुण विउलस्स अटुस्स गहणयाए ? तं गच्छमि णं समणं भगवं महावीरं वंदामि णमंसामि सकारेमि सम्मामि कल्लाणं मंगलं देवयं चेइयं पज्जुवासामि, एयं मे पेच्चा हियाए सुहाए खमाए णिस्सेयसाए आणुगामियाए भविस्सइ तिकट्टु एवं संपेहेइ, संपेहित्ता आभिओगिए देवे सद्दावेइ सद्दावित्ता एवं वयासी-एवं खलु देवाणुप्पिया ! समणे भगवं महावीरे जंबुद्दीवे दीवे भारहे वासे आमलकप्पाए नयरीए बहिया अंबसालवणे चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावमाणे विहरइ । तं गच्छह णं तुम्हे देवाणुप्पिया ! जंबुद्दीवं दीवं भारहं वासं आमलपप्पं नयरिं अंबसालवणं, चेइयं समणं भगवं महावीरं तिक्खुत्तो आयाहिणपयाहिणं करेह करिता वंदह णमंसह वंदित्ता णमंसित्ता साइं साइं णामगोयाई साहेह साहित्ता समणस्स भगवओ महावीरस्स सव्वओ समंता जोयणपरिमंडलं जं किंचि तणं वा पत्तं वा कई वा सकर वा असुई वा अचोक्खं वा पूइअं वा दुब्भिगंधं वा तं सव्वं आहुणिय आहुणिय एगंते एडेह एडित्ता पच्चो दगं णाइमट्टियं पविरलपप्फुसियं रयरेणुविणासणं दिव्वं सुरभिगंधोदयं वासं वासह, वासित्ता णिहयरयं णट्टरयं भट्टरयं उवसंतरयं पसंत्तरयं करेह, करित्ता जलयथलयभासुरप्पभूयस्स बिटट्ठाइस्स दसवण्णस्स कुसुमस्स जाणुस्सेहपमाणमित्तं ओहिं वासं वासह वासित्ता कालागुरुपवरकुंदुरुकतुरुकधूवमघमघंतगंधुद्धयाभिरामं सुगंधवरगंधियं गंधव्ववहिभूयं दिव्वं सुर
શ્રી રાજપ્રશ્નીય સૂત્રઃ ૦૧
