________________
५९१
विपाकचन्द्रिका टीका, श्रु० १, अ० ८, शौर्यदत्तवर्णनम्
॥ मूलम् ॥ ____ एवं खलु गोयमा ! तेणं कालेणं तेणं समएणं इहेव जंबूदीवे दीवे भारहे वासे गंदिपुरे णामं णयरे होत्था । मित्ते राया, तस्स णं मित्तस्स रन्नो सिरीए नाम महाणसिए होत्था अहम्मिए जाव दुप्पडियाणंदे । तस्त णं सिरीयस्त महाणसियस्स बहवे मच्छिया य वागुरिया य साउणिया य दिण्णभइभत्तवेयणा कल्लाकलिं बहवे सोहमच्छे य जाव पडागाइपडागे य अए य जाव महिसे य तित्तिरे य जाव मयूरे य जिवियाओ ववरोवेंति, ववरोवित्ता सिरीयस्स महाणसियस्स उवणेति । अण्णे य से बहवे तित्तिरा य जाव मयूरा य पंजरंसि सण्णिरुद्धा चिट्ठति, अण्णे य बहवे पुरिसा दिण्णभइभत्तवेयणा बहवे तित्तिरे य जाव मयूरे य जीवियए चेव णिप्पखेति, णिप्पखित्ता सिरीयस्स महाणसियस्स उवणेति। तए णं से सिरीए महाणसिए बहणं जलयर-थलयर-खहयराणं मंसाइं कप्पणीकप्पियाइं करेइ, तं जहा साहखंडियाणि य वट्टखंडियाणि य दीहखंडियाणी य रहस्सखंडाणि य हिमपकाणि य जम्मपक्काणि य धम्मपक्काणि य मारुयपक्काणि य कालाणि य हेरंगाणिय महिट्राणि य अमलरसियाणि यमुदियारसियाणि य कविट्ररसियाणि यदालिमरसियाणि य मच्छरसियाणि य तलियाणि य भजियाणि य सोल्लियाणि य उवक्खडावेइ । अण्णे य बहवे मच्छरसए य एणिज्जरसए य तित्तिररसए य जाव मयूररसए य अण्णं च विउलं हरियसागं उवक्खडावेइ, उवक्खडावित्ता मित्तस्स रण्णो भोयणमंडवंसि भोयणवेलाए उवणेइ। अप्पणावि य णं से सिरीए महाणसिए तेहिं च बहुहिं जाव जलयर-थलयर-खहयर-मंसेहि रसिएहि य हरिय
શ્રી વિપાક સૂત્ર
