________________
% 3D
विपाकश्रुते ॥ मूलम् ॥ तएणं से दुजोहणे चारगपालए एयकम्मे ४ सुबहुपावं समजिणित्ता एगतीसं वाससयाइं परमाउं पालित्ता कालमासे कालं किच्चा छट्टीए पुढवीए उक्कोसेणं बावीससागरोवमहिइएसु णेरइएसु णेरइयत्ताए उववण्णे । से गं तओ अणंतरं उव्वहित्ता इहेव महुराए नयरीए सिरिदामस्स रणो बंधुसिरिए देवीए कुच्छिसि पुत्तत्ताए उववण्णे । तए णं तीसे बंधुसिरीए देवीए तिण्हं मासाणं बहुपडिपुण्णाणं इमे एयारूवे दोहले पाउब्भूए-धन्नाओणं ताओ अम्मयाओ जाव जाओ णं अप्पणो पइस्स हिययमंसेणं जाव सद्धिं सुरं च५ जाव दोहलं विणेंति, तं जइ अहमवि जाव विणिज्जामि-त्तिकटु तंसि दोहलंसि अविणिज्जमाणंसि जाव झियाइ। रायपुच्छा, बंधुसिरीभणणं । तए णं से सिरिदामे राया तीसे बंधुसिरीए देवीए तं दोहलं केणवि उवाएणं विणेइ। तए णं सा बंधुसिरी देवी संपुण्णदोहला५ तं गम्भं सुहंसुहेणं परिवहइ । तए णं सा बंधुसिरी देवी नवण्हं मासाणं बहुपडिपुण्णाणं जाव दारगं पयाया । तए णं तस्स दारगस्स अम्मापियरो णिवत्ते एगारसे दिवसे संपत्ते बारसाहे इमं एयारूवं णामधेनं करेंति-होउ णं अम्हं दारगे नंदिसेणे नामेणं । तए णं से नंदिसेणे कुमारे पंचधाई परिवुडे जाव परिवड्ढइ । तए णं से नंदिसेणे कुमारे उम्मुक्कबालभावे जाव विहरइ, जाव जुवराया जाए यावि होत्था । तए णं से नंदिसेणे कुमारे रजे य जाव अंतेउरे य मुछिए ४ इच्छइ सिरिदामं रायं जीवियाओ ववरोवित्ता सयमेव रजसिरि कारेमाणे पालेमाणे विहरित्तए ॥ सू० ६॥
શ્રી વિપાક સૂત્ર
