________________
ज्ञाताधर्मकथासूत्रे वयासी-सुबुद्धी! एएणं तुमं संता जाव सब्भूया भावा कओ उवलद्धा ?, तएणं सुबुद्धी जियसत्तू एवं वयासी-एएणं सामो! मए संता जाव सब्भूया भावा जिणवयणाओ उवलद्धा, तएणं जियसत्तू सुबुद्धि एवं वयासी-तं इच्छामि णं देवाणुप्पिया ! तव अंतिए जिणवयणं निसामेत्तए, तएणं सुबुद्धी जियसत्तूस्स विचित्तं केवलिपन्नत्तं चाउामंधम्म परिकहेइ, तमाइक्खइ जहा जीवा बझंति जाव पंच अणुव्वयाई,तएणं जियसत्तू सुबुद्धिस्स अंतिए धम्म सोच्चा णिसम्म हट्ठ० सुबुद्धिं अमच्चं एवं वयासी -सदहामि णं देवाणुप्पिया ! निग्गंथं पाववणं३ जाव से जहेव जं तुब्भे वयह, तं इच्छामि णं तव अंतिए पंचाणुव्वइयं सत्तसिक्खावइयं जाव उव संपज्जित्ताणं विहरित्तए, अहासुहं देवाणुप्पिया ! मा पडिबंध० तएणं से जियसत्तू सुबुद्धिस्स अमञ्चस्स अंतिए पंचाणुव्वइयं जाव दुवालसविहं सावयधम्म पडिवजइ, तएणं जियसत्तू समणोवासए अभिगयजीवाजीवे जाव पडिलाभेमाणे विहरइ । तेणं कालेणं तेणं समएणं थेरागमणं जियसत्तू राया सुबुद्धी य निग्गच्छइ, सुबुद्धी धम्म सोच्चा जं नवरंजियसत्तू आपुच्छामि जाव पव्वयामि,अहासुहं देवाणुप्पिया! तएणं सुबुद्धी जेणेव जियसत्त तेणेव उवागच्छइ उवागच्छित्ता एवं वयासी-एवं खलु सामी !मए थेराणं अंतिए धम्मे इच्छिए पडिच्छिए अभिरुइए, तएणं अहं सामी संसारभउविग्गे भीए जाव इच्छामिणं तुब्भेहि अब्भणुन्नाए स० जाव पव्वइत्तए, तएणं जियसत्त सुबुद्धिं एवं वयासी-अच्छासु ताव देवाणु
શ્રી જ્ઞાતાધર્મ કથાંગ સૂત્રઃ ૦૨
