________________
अनगारधर्मामृतवर्षिणी टी अ० ८ माकन्दिदारकचरितनिरूपणम् ५७५ णाणादुमसंडमंडिउद्देसे सस्सिरीए पासाइए ४, तस्स णं बहमज्झदेसभाए तत्थ णं एगे महं पासायव.सए होत्था अब्भुग्गयमूसियए जाव सस्सिरीए सुरूवे पासाईए ४, तत्थणं पासायव.सए रयणदीवे देवया नामं देवया परिवसति पावा चंडा रुद्दा साहसिया, तस्स णं पासायवडिसयस चउदिसि चत्तारि वणसंडा किण्हा किण्हाभासा, तएणं ते मागंदियदारगा तणं फलयखंडेणं उव्वुज्झमाणा२ रयणदीवं तेणं संवूढा यावि होत्था, ताणं ते मागंदियदारगा थाहं लभंति लभित्ता मुहत्तंतरं आससंति आससित्ता फलखंडं विसज्जेंति विसजिता रयणद्दीवे उत्तरति उत्तरित्ता फलाणं मग्गणगवेसणं करेंति करित्ता फलाई गिण्हंति गिण्हित्ता आहाति आहारित्ता णालिएराणं मग्गणगवेसणं करेंति करित्ता नालिएराइं फोडोंति फोडित्ता नालिएरतेल्लेणं अण्णमण्णस्स गत्ताई अब्भंगति अब्भंगित्ता पोक्खरणी ओगाहिति ओगाहित्ता जलमजणं करेंति करित्ताजाव पच्चुत्तरंति पच्चुत्तरित्ता पुढविसिलापट्टयसि निसीयंति निसोइत्ता आसत्था वसित्था सुहासणवरगया चंपानयरिं अम्मापिड आपुच्छणं च लवणसमुद्दोत्तारं च कालियवायसमुत्थणं च पोतवहणविवत्ति च फलयखंडस्स आसायणं च रयणद्दीवुत्तारं च अणुचितेमाणा२ ओहयमणसंकप्पा जाव झियायेन्ति, तएणं सा रयणदीवदेवया ते मागंदियदारए ओहिणा आभोएइ आभोइत्ता असिफलगवगहत्था सत्तद्वतालप्पमाणं उडूं वेहासं
શ્રી જ્ઞાતાધર્મ કથાંગ સૂત્રઃ ૦૨
