________________
ज्ञाताधर्मकथाङ्गसूत्रे नामं भारिया, तीसेणं भद्दाए अत्तया दुवे सत्थवाहदारया होत्था, तं जहा-जिणपालिए य जिणरक्खिए य, ततेणं तसिं मागंदियदारगाणं अन्नया कयाई एगयओ साहियाणं इमेयारूवे मिहो कहासमुल्लावे समुप्पन्जित्था एवं खलु अम्हे लवणसमुदं पोयवहणेणं एकारसवारा ओगाढा सव्वत्थ वि य णं लट्टा कयकज्जा अणहसमग्गा पुणरवि निययघरं हव्वमागया तं सेयं खलु अम्हे देवाणुप्पिया ! दुवालप्तमंपि लवणसमुहं पोतवहणणं आगाहित्तए-त्तिक? अण्णमण्णस्स एयमढे पडिसुणत पडिसुणित्ता जेणेव अम्मापियरो तेणेव उवागच्छइ, उवागच्छित्ता एवं वयासी-एवं खलु अम्हे अम्मयाओ ! एक्कारस वारा तं चेव जाव निययं घरं हव्वमागया, तं इच्छामो णं अम्मयाओ ! तुब्भेहिं अब्भणुण्णाया समाणा दुवालसमं लवणसमुदं पोयवहणेणं ओगाहित्तए । तएणं ते मागंदियदारए अम्मापियरो एवं वयासी-इमे य ते जाया! अज्जग जाव परिभाएत्तए तं अणुहोह ताव जाया ! विउले माणुस्सए इड्डी सकारसमुदए, किं भे सपच्चवाएणं निरालंबणेणं लवणसमुदोत्तारेणं ?, एवं खलु पुत्ता ! दुवालसमी जत्ता सावसग्गा यावि भवइ, तं माणं तुब्भे दुवे पुत्ता ! दुवालसमंपि लवण० जाव
ओगाहेह, माहु तुब्भं सरीरस्स वावत्ती भविस्सइ, तएणं मागंदियदारगा अम्मापियरो दोच्चंपि तचंपि एवं वयासी-एवं खल अम्हे अम्मयाओ! एक्कारसवारा लवणं जाव ओगाहित्तए,
શ્રી જ્ઞાતાધર્મ કથાંગ સૂત્રઃ ૦૨
