________________
३६०
ज्ञाताधर्मकथासूत्रे अंगुलियाहिं गिण्हइ, गिणिहत्ता सत्तकृतलाइं जाव अरहन्नगं एवं वयासो-हं भो ! अरहन्नगा ! अप्पत्थियपत्थिया णो खलु कप्पड़, तव सीलव्वय तहेव जाव धम्मज्झाणोवगए विहरइ । तएणं से पिसायरूवे अरहन्नगं जाहे नो संचाएइ निग्गंथाओ० चालित्तए वा खोभित्तए वा विपरिणामित्तए वा ताहे संते जाव निम्विन्ने तं पोयवहणं सणियं२ उरिं जलस्स ठवेइ, ठावित्ता तं दिव्वं पिसायरूवं पडिसाहरइ, पडिसाहरित्ता दिव्वं देवरूवं विउव्वइ, विउव्वित्ता अंतलिक्खपडिवन्ने सखिं खिणियाइं जाव परिहिए अरहन्नगं समणोवासयं एवं वयासी "हं भो ! अरहन्नगा ! धन्नोऽसि णं तुमं देवाणुप्पिया ! जाव जीवियफले जस्स णं तब निग्गंथे पावयणे इमेयारूवा पड़िवत्ती लद्धा पत्ता अभिसमन्नगया। एवं खलु देवाणुप्पिया ! सके देविंदे देवराया सोहम्मे कप्पे सोहम्मवडिंसए विमाणे सभाए सुहम्माए बहणं देवाणं० मज्झगते महया सदेणं आइक्खइ४, एवं खलु जंबूढीवे२ भारहे वासे चंपाए नयराए अरहन्नए समणोवासए अहिगयजीवाजीवे नो खलु सके केणइ देवेण वा दाणवेण वा णिग्गंथाओ पावयणाओ चालित्तए वा जाव विपरिणामेत्तए वा । तएणं अहं देवाणुप्पिया ! सकस्स० णो एयमटुं सदहामि०, तएणं मम इमेयारूवे अज्झथिए जाव समुप्पज्जेत्था, गच्छामि णं अरहन्नयस्स अंतिये पाउन्भवामि, जाणामि ताव अहं अरहन्नगं किं पियधम्मे ? नो पियधम्मे
શ્રી જ્ઞાતાધર્મ કથાંગ સૂત્રઃ ૦૨
