________________
भगवतीसूत्रे गुगामं दूइजमाणे जेणेव चंपानयरी जेणेव कूणिए राया, तेणेव उवागच्छइ, उवागच्छित्ता, कूणियं रायं उवसंपजित्ता णं विहरइ। तत्थ वि णं से विउलभोगसमिइसमन्नागए यावि होत्था। तएणं से अभीइकुमारे समणोवासए यावि होत्था, अभिगय जाव विहरइ, उदायणमि रायरिसिमि समणुबद्धवेरे यावि होत्था। तेणं कालेणं तेणं समएणं इमीसे रयणप्पभाए पुढवीए निरयपरिसामंतेसु चोसटुिं असुरकुमारावाससयसहस्सा पण्णत्ता, तए णं से अभीइकुमारे बहूई वासाई समणोवासगपरियागं पाउणइ, पाउणित्ता अद्धमासियाए संलेहणाए तीसं भत्ताई अणसणाए छेएइ, छेइत्ता तस्स ठाणस्स अणालोइयपडिकते कालमासे कालं किच्चा इमीसे रयणप्पभाए पुढवीए तीसाए निरयपरिसामंतेसु चोसट्टीए आयावासुरकुमारावाससयसहस्सेसु अन्नयरंसि आयावासुरकुमारावासंलि आयावासुरकुमारदेवताए उववन्ने, तत्थ णं अत्थेगइयाणं आयावगाणं असुरकुमाराणं देवाणं एगं पलिओवमंठिई पण्णत्ता, तत्थ णं अभीयिस्स वि देवस्स एगं पलि भोवमं ठिई पण्णत्ता। सेणं भंते ! अभियीदेवेताओ देवलोगाओ आउक्खएणं ठिइक्खएणंभवक्खएणं, अणंतरं उबहित्ता कहिं गच्छिहिइ ? कहिं उववजिहिइ ? गोयमा! महाविदेहे वासे सिज्झिहिइ जाव अंतं काहिह। सेवं भंते! सेवं भंते! ति॥सू०४॥
तेरसमे सए छठो उद्देसो समत्तो॥१३-६॥
શ્રી ભગવતી સૂત્ર: ૧૧
