________________
प्रमेयचन्द्रिका टीका श० १५ उ० १ सू० १२ गोशालकवृत्तान्तनिरूपणम् ६०३ ममं एवं क्यासी-गोसाले मंखलिपुत्ते ममं धम्मंतेवासी, गोसाले मंखलिपुत्ते ममं धम्मंतेवासी, जे णं से मंखलिपुत्ते तव धम्मतेवासी, से णं सुके सुक्काभिजाइए भवित्ता कालमासे कालं किच्चा अन्नयरेसु देवलोएसु देवत्ताए उववन्ने, अहं णं उदाइ नाम कुंडिण्णायणए अज्जुणस्स गोयमपुत्तस्स सरीरगं विप्पजहामि, अज्जुणस्स गोयमपुत्तस्स सरीरगं विप्पजहेत्ता, गोसालस्स मंखलिपुत्तस्स सरीरगं अणुप्पविसामि, अणुप्पविसित्ता इमं सत्तमं पउहपरिहारं परिहरामि, जे वि याइं आउसो! कासवा! अम्हं समयंसि केइ सिझिसु वा, सिझंति वा, सिन्झिस्संति वा, सजे ते चउरासीइं महाकप्पसयसहस्साई सत्तदिव्वे सत्तसंजूहे सत्तसन्निगन्भे सत्तपउट्ठपरिहारे पंचकम्माणि सयसहस्साई सहि च सहस्साई छच्च सए तिन्नि य कम्मसे अणुपुत्वेणं खवइत्ता, तओ पच्छा सिझंति, बुज्झंति, मुच्चंति, परिनिव्वाइंति, सव्वदुक्खाणमंतं करेंसु वा, करेंति वा, करिस्तंति वा, से जहा वा गंगा महानई, जओ पवूढा, जहिं वा पज्जुवत्थिया, एसणं अद्धा पंचजोयणसयाई आयामेणं अद्ध. जोयणं विक्खंभेणं, पंचधणुसयाई उव्वेहेणं, एएणं गंगापमाणेणं, सत्तगंगाओ सा एगा महागंगा, सत्तमहागंगाओसा एगा साईणगंगा, सत्तसाईणगंगाओ सा एगा मच्चुगंगा सत्त मच्चुगंगाओ सा एगा लोहियगंगा, सत्त लोहियगंगाओ सा एगा आवईगंगा, सत्त आवईगंगाओ सा एगा परमावईगंगा, एवामेव सपुव्वा
શ્રી ભગવતી સૂત્ર: ૧૧
