________________
---
प्रमेयचन्द्रिका टीका श०१४ उ० १० सू० १ केवलीप्रभृतिनिरूपणम् ४१९ से तेणट्रेणं जाव वागरेज्ज वा, केवली णं भंते ! उम्मिसेज्ज वा, निमिसेज्ज वा ? हंता, उम्मिसेज्ज वा, निम्मिसेज्ज वा, एवं चेव, एवं आउट्टेज वा, पसारिज्ज वा, एवं ठाणं वा, सेज वा, निसीहियं वा चेएज्जा, केवली णं भंते! इमं रयणप्पभं पुढवि रयणप्पभा पुढवी ति जाणइ, पासइ ? हंता, जाणइ, पासइ, जहा णं भंते ! केवली इमं रयणप्पभं पुढवि रयणप्पभा पुढवी ति जाणइ, पासइ, तहा णं सिद्धे वि इमं रयणप्पभं पुढविं रयणप्पभा पुढवी ति जाणइ, पासइ ? हंता, जाणइ, पासइ, केवली णं भंते ! सक्करप्पभं पुढविं सक्करप्पभा पुढवीति जाणइ, पासइ ? एवं चेव, एवं जाव अहे सत्तमाए, केवली शंभंते! सोहम्मं कप्पं सोहम्मे कप्पे त्ति जाणइ, पासइ ? हंता, जाणइ, पासइ, एवं चेव, एवं इसाणं, एवं जाव अच्चुयं, केवली णं भंते! गेवेज्जविमाणे गेवेजविमाणे त्ति जाणइ, पासइ? एवं चेव, एवं अणुत्तरविमाणे वि, केवलीणभंते!ईसीपब्भारं पुढवि ईसीपब्भार. पुढवी ति, जाणइ, पासइ? एवं चेव, केवली णं भंते! परमाणुपोग्गलं परमाणुपोग्गले त्ति जाणइ, पासइ ? एवं चेव, एवं दुपएसियं खंध, एवं जाव, जहा णं भंते! केवली अणंतपए. सियं खंधं अणंतपएसिए खंधे त्ति जाणइ, पासइ, तहाणं सिद्धे वि अणंतपएसियं जाव पासइ ? हंता, जाणइ, पासइ, सेवं भंते ! सेवं भंते ! त्ति” ॥सू०१॥ चोदसमसए दसमो उद्देसो समत्तो, चोइसम सयं समत्त॥
શ્રી ભગવતી સૂત્ર: ૧૧
