________________
प्रमेयचन्द्रिका टीका श२९ उ० ३३ सू०८ जम लिवक्तव्यनिरूपणम् ४७५ इवा, पाहुणगभत्तेइ वा, सेज्जायरपिंडेइ वा, रायपिंडेइ वा मूल भोयणेइ वा, कंदभोयणेइ वा, फलभोयणेइ वा, बीयभोयणे इवा, हरियभोयणेइ वा, भुत्तए वा, पायए वा तुमं च णं जाया! सुहसमुचिए णो चेव णं दुहसमुचिए, नालं सीयं, नालं उण्हं, नालं खुहा, नालं पिवासा नालं चोरा, नालं वाला, नालं दंसा, नालं मसया, नालं वाइयपित्तिय अभियसन्निवाइए विविहे रोगायंके परिसहोवसग्गे उदिने अहियासेत्तए, तं नो खलुजाया ! अम्हे इच्छामो तुम्भखणमवि विप्पओगं, तं अच्छाहि ताव जाया ! जाव ताव अम्हेहिं जाव पवइहिसि । तए णं से जमालीखत्तियकुमारे अम्मापियरो एवं वयासी-तहावि णं तं अम्मताओ ! जं णं तुब्भे ममं एवं वयह--एवं खलु जाया ! निग्गंथे पावयणे सच्चे अणुत्तरे केवले तं चेव जाव पवइ. हिसि ? एवं खलु अम्मताओ ! निग्गंथे पावयणे कीवाणं कायराणं कापुरिसाणं इहलोगपडिबद्धाणं परलोगपरंमुहाणं विसयतिसियाणं दुरणुचरे पागयजणस्त धोरस्त निच्छियस्स ववसियस्स नोखल्लु एत्थं किंचिवि दुक्करं करणयाए, तं इच्छामि णं अम्मताओ ! तुब्भेहिं अब्भणुनाए समाणे समणस्स भगवओ महावीरस्स जाव पवइत्तए । तए णं जमालिं खत्तियकुमारं अम्मापियरो जाहे नो संचाएंति, विसयाणुलोमाहिय विसयपडिकुलाहिय बहूहिय आघवणाहिय पन्नवणाहिय ४ आघवेत्तए वा जाब विन्नवेत्तए वा ताहे अकामए चेव जमालिस्स खत्तियकुमारस्त निक्खमणं अणुमन्नत्था ॥सू. ८॥
श्री. भगवती सूत्र : ८
