________________
३५८
भगवतीसूत्रे सरीरा बहूहिं खुजाहिं चिलाइयाहिं वामणियाहिं वडहियाहिं बब्बरियाहि इसिणियाहि जोणियाहिं चारुणियाहिं पल्हवियाहिं ल्हासियाहिं लउसियाहिं आरबीहिं दमिलीहि सिंघलीहिं पुलिंदिहिं पुक्खलीहि मुरुंडीहि सबरीहिं पारसीहिं नाणादेसीयाहिं विदेसवेसपरिमंडियाहिं सदेसनेवत्थगहियवसाहिं इंगियचिंतियपत्थियवियाणियाहिं कुसलाहिं विणीयाहि य चेडियाचकवालवरिसधरथेरकंचुइज्जमहत्तरगवंदपरिक्खित्ता अंतेउराओ निग्गच्छइ, निग्गच्छित्ता जेणेव बाहिरिया उवटाणसाला,जेणेव धम्मिए जाणप्पवरे तणेव उवागच्छइ,उवागच्छित्ता जाव धम्मियंजाणप्पवरं दुरूढा। तएणं से उसभदत्ते माहणे देवाणंदाए माहाए सद्धिं धम्मियं जाणप्पवरं दुरूढे समाणे णियगपरियालसंपरिबुडे माहणकुंडग्गामं नगरं मझमज्झेणं निग्गच्छइ, निग्गच्छित्ता, जेणेव बहुसालए चेइए तेणेव उवागच्छइ, उवागच्छित्ता छत्तादीए तित्थकरातिसए पासइ, पासित्ता धम्मियं जाणप्पवरं ठवेड, ठवित्ता धम्मियाओ जाणप्पवराओ पच्चोरुहइ, पच्चोरुहिता समणं भगवं महावीरं पंचविहेणं अभिगमेणं अभिगच्छइ, तं जहा-सचिताणं दवाणं विउस्सरणयाए एवं जहा बितियसए जाव तिविहाए पज्जुवासणयाए पज्जुवासइ । तएणं सा देवाणंदा माहणी धम्मियाओजाणप्पवराओ पच्चोरुहइ,पच्चोरुहित्ता बहूहिं खुजाहिं जाव महत्तरगवंदपरिक्खित्ता समणं भगवं महावीरं पंचवि. हेणं अभिगमेणं अभिगच्छइ, तं जहा-सचित्ताणं दवाणं विउ
શ્રી ભગવતી સૂત્ર: ૮
