________________
प्रमेयचन्द्रिकाटी०।०९३०३३९०१ ऋषमदत्तनिर्वाणवर्णनम्
६५७ लिहियसिंगेहिं जंबूणयामयकलावजुत्तपरिविसिट्टएहिं रयया. मयघंटासुत्तरज्जुयपवरकंधणनत्थपग्गहोग्गहियएहिं नलिप्पलकयामेलएहिं पवरगोणजुवाणएहिं णाणामणिरयणघंटियाजाल. परिगयं सुजायजुगजोत्तरज्जुयजुगपसत्थसुविरइयनिम्मियं पवरलक्खणोववेयं । (ग्रन्थानम् ६०००) धम्मियं जाणप्पवरं जुत्तामेव उवहवेह उवहवित्ता मम एयमाणत्तियं पञ्चप्पिणह । तएणं ते कोडंबियपुरिसा उसभदत्तेणं माहणेणं एवं वुत्ता समाणा हट्ट जाव हियया करयल जाव कटु एवं सामी ! तहत्ति आणाए विणएणं वयणं पडिसुणेइ, पडिसुणेता खिप्पामेव लहकरणजुत्तजाव धम्मियं जाणप्पवरं जुत्तामेव उववेत्ता जाव तमाणत्तियं पञ्चप्पिणंति । तए णं से उसभदत्ते माहणे हाए जाव अप्पमहग्घाभरणालंकियसरीरे साओ गिहाओ पडिनिक्खमइ, पडिनिक्खमित्ता जेणेव बाहिरिया उवटाणसाला जेणेव धम्मिए जाणप्पवरे तेणेव उवागच्छइ, उवागच्छित्ता धम्मियं जाणप्पवरं दुरूढे । तएणं सा देवाणंदा माहणी अंतो अंतेउरंसि पहाया कयबलिकम्मा कयकोउयमंगलपायच्छित्ता, किंच वरपादपत्तनेउरमणि मेहलाहारविरइयउचियकडगखुड्डायएकावलीकंठसुत्तउ. रत्थगेवेजसोणिसुत्तगनाणामणिरयणभूसणविराइयंगी चीणंसुयवस्थपवरपरिहिया दुगुल्लसुकुमाल उत्तरिज्जा सव्वोउयसुरभिकुसुमवरियसिरया वरचंदणचविया पराभरणभूसियंगी कालागुरुधूवधूविया, सिरिसमाणवेसा जाव अप्पमहग्याभरणालंकिया
श्रीभगवती. सूत्र: ८
