________________
३५६
भगवती सूत्रे गंदा नाम माहणी होत्था, सुकुमालपाणिपाया जाव पियदंसणा सुरूवा समणोवासिया अभिगयजीवाजीवा उक्लद्धपुण्णपावा जाव विहरइ, तेणं कालेणं तेणं समएणं सामी समोसढे, परिसा जाव पज्जुवासइ, तएणं से उसमदत्ते माहणे इमीसे कहाए लट्टे समाणे हह जाव हियए जेणेव देवानंदा माहणी तेणेव उवागच्छइ, उवांगच्छित्ता देवाणंदं माहणिं एवं वयासी--एवं खलु देवाणुप्पिए ! समणे भगवं महावीरे आदिगरे जाव सबन्नू सब्बदरिसी आगासगएणंचकणं जाव सुहं सुहेणं विहरमाणे जाव बहुसालए चेइए अहापडिरूवं जाव विहरइ, तं महाफलं खलु देवाणुप्पिए ! जाव तहारूवाणं अरिहंताणं भगवंताणं नामगोयस्स वि सवणयाए, किमंगपुण अभिगमणवंदणनमंसणपडिपुच्छणपज्जुवासणयाए ? एगस्त वि आयरियस्स धम्मियस्स सुवयणस्स सवणयाए, किमंग पुण विउलस्स अट्ठस्त गहणयाए? तं गच्छामो णं देवाणुप्पिए समणं भगवं महावीरं वंदामो नमसामो जाव पज्जुवासामो, एयण्णं इहभवे य परभवे य, हियाए सुहाए खमाए निस्सेयसाए, आणुगामियत्ताए, भविस्सइ । तएणं सा देवाणंदा माहणी उसभदत्तेणं माहणेणं एवंवुत्ता समाणी हटूजाव हियया करयलजाव कटु उसमदत्तस्स माहणस्स एयम विणएणं पडिसुणेइ । तए णं से उसभदत्ते माहणे कीडुंबियपुरिसे सहावेइ, सदावित्ता एवं वयासी-खिप्पामेव भो देवाणुप्पिया ! लहकरणजुत्तजोइयसमखुरवालिहाणसम
श्रीभगवती. सूत्र: ८
