________________
-
प्रमेयचदिन्का टीका श.३ उ. २ सू.१२ चमरस्य क्षमाप्रार्थनादिनिरूपणम् ४९५
____महावीरम्पति चमरस्य क्षमा प्रार्थनादि वर्णनमाह
मूलम्-'तएणं से चमरे असुरिदे असुरराया वज्जभयविप्पमुक्के, सक्केणं देविदेणं, देवरण्णा महया अवमाणेणं अवमाणिए समाणे चमरचंचाए रायहाणीए सभाए सुहम्माए चमरंसि सीहासणंसि ओहयमणसंकप्पे चिंतासोगसागरसंपविटे, करयलपल्हत्थमुहे अदृज्झाणोवगए भूमिगयाए दिट्ठीए झियाइ, तएणं तं चमरं असुरिंदं, असुररायं सामाणिअ परिसोववन्नया देवा ओहयमणसंकप्पं जाव-झियायमाणं पासंति, करयल जाव एवं वयासी-किं णं देवाणुप्पिया ! ओहयमणसंकप्पा जाव-झियायह ? तएणं से चमरे असुरिंदे असुरराया ते सामाणियपरिसोववन्नए देवे एवं वयासी-एवं खलु देवाणुप्पियो! मए समणं भगवं महावीरं णीसाए सक्के देविदे, देवराया सयमेव अच्चासाइए, तएणं, तेणं परिकुविएणं समाणेणं ममं वहाए वज्जे निसिट्टे, तं भई णं भवतु देवाणुप्पिया ! समणस्स भगवओ महावीरस्स, जस्सम्हि पभावेणं अकिटे, अवहिए, अपरिताविए, इहमागए, इहसमोसढे, इहसंपत्ते,इहेव अज्ज जावउवसंपज्जित्ता णं विहरामि, तं गच्छामो णं देवाणुप्पिया! समणं भगवं महावीरं वंदामो, नमसामो, जाव-पज्जुवासामो तिकडु चउसट्टीए सामाणियसाहस्साहि, जाव-सविड्ढीए, जाव-जेणेव असोगवरपायवे, जेणेव ममं अंतिए, तेणेव उवागच्छइ, उवागच्छित्ता ममं तिक्खुत्तो आयाहिणं पयाहिणं जाव-नमंसित्ता
શ્રી ભગવતી સૂત્ર : ૩
