________________
प्रमेयचन्द्रिका टीका श.३ उ.२ सू. ५ चमरेन्द्रस्योत्पातक्रियानिरूपणम् ३८१ वायसभाए जाव-इंदत्ताए उववण्णे, तएणं से चमरे असुरिंदे, असुरराया अहुणोववन्ने पंचविहाए पजत्तीए पज्जत्तिभावं गच्छइ, तं जहा-आहारपज्जत्तीए, जाव-भास-मणपजत्तीए, तएणं से चमरे असुरिंदे, असुरराया पंचविहाए पज्जत्तीए पज्जत्तिभावं गए समाणे उडूं वीससाए, ओहिणा आभोएइ जावसोहम्मो कप्पो, पासइय तत्थ सकं देविंद, देवरायं, मघवं, पाकसासणं, सयकडं, सहस्सक्खं, वज्जपाणिं, पुरंदरं, जाव-दस दिसाओ उज्जोवेमाणं, पभासेमाणं सोहम्मे कप्पे, सोहम्मे वर्डिसए विमाणे सकसि सीहासणंसि, जाव-दिवाई भोगभोगाई भुंजमाणं पासइ, इमेयारूवे अज्झथिए, चिंतिए, पत्थिए, मणोगए संकप्पे समुपज्जित्था-केसणं एस अपस्थिअपत्थए, दुरंतपंतलक्खणे, हिरिसिरिपरिवज्जिए, हीणपुण्णचाउद्दसे जं णं ममं इमाए एयारूवाए दिवाए देवड्डीए, जाव-दिव्वे देवाणुभावे लद्धे, पत्ते अभिसमण्णागए उप्पिं अप्पुस्सुए दिव्वाइं भोगभोगाइं भुंजमाणे विहरइ, एवं संपेहेइ, संपेहित्ता सामाणिअ परिसोववन्नए देवे सदावेइ, एवं वयासी केस णं एस देवाणुप्पिया ! अपत्थिअपत्थए, जाव-भुंजमाणे विहरइ ? तएणं ते सामाणिअपरिसोववन्नगा देवा चमरेणं असुरिंदेणं असुररण्णा एवं वुत्ता समाणा हट्ट-तुट जाव-हयहियया करयल परिग्गहिअं दसनहं सिरसावत्तं मत्थए, अंजलिं कटु जएणं, विजएणं, वद्धावेंति, एवं वयासी-एस णं देवाणुप्पिया ! सक्केदेविदे, देवराया जाव-विहरइ ॥ सू० ५॥
શ્રી ભગવતી સૂત્ર : ૩
