________________
प्रमेयवन्द्रिका टीका श० २ उ०१ सू० १३ स्कन्दकचरितनिरूपणम् ७४१
मूलम् -तएणं ते थेरा भगवंतो खंदयं अणगारं कालगयं जाणित्ता परिनिव्वाणवत्तियं काउसगं करेंति करित्ता पत्तचीवराइं गिण्हंति गिण्हित्ता विउलाओ पवयाओ सणियं सणियं पच्चोरुहंति, पच्चोरुहिता जेणेव समणे भगवं महावीरे तेणेव उवागच्छति उवागच्छित्ता समणं भगवं महावीर वंदंति नमसंति वंदित्ता नमंसित्ता एवं वयासी, एवं खलु देवाणुप्पियाणं अंतेवासी खंदए नाम अणगारे पगइ भदए पगइ विणीए पगइ उवसंते पगइ पयणु कोहमाणमायालोभे मिउमदवसंपन्ने अल्लीणे भदए विणीए से णं देवाणुप्पिए णं अब्भणुन्नाए समाणे सयमेव पंचमहत्वयाइं आरोवित्ता समणाय समणीओय खामेत्ता, अम्हहिं सद्धिं विउलं पव्वयं तं चेव निरवसेसं जाव अणुपुबीए कालंगए इमेयसे आयार भंडए भंते, त्ति भगवं गोयमे समणं भगवं महावीरं वंदद नमंसइ वंदित्ता नमंसित्ता एवं वयासी एवं खलु देवाणुप्पिथाणं अंतेवासी खंदए नामं अणगारे कालमासे कालं किच्चा कहिं गए कहिं उववन्ने गोयमाइ समणे भगवं महावीरे भगवं गोयमं एवं वयासी एवं खल्लु गोयमामम अंतेवासी खंदए णामं अणगारे पगइभदए जाव से णं मए अब्भणुनाए समाणे सयमेव पंचमहव्वयाइं तं चेव सव्वं अवसेसि नेयव्यं जाव आलोइअपडिकंते समाहिपत्ते कालमासे कालं किच्चा अच्चुए कप्पे देवत्ताए उववन्ने तत्थ णं अत्थे गइयाणं देवाणं बावीस सागरोवमाइं ठिई पण्णत्ता तस्स णं खंदयस्स वि देवस्स
શ્રી ભગવતી સૂત્ર : ૨
