________________
प्रमेयचन्द्रिका टीका अ०५०२सू०५ कालास्यवेषिकपुत्रप्रश्नोत्तरनिरूपणम् २९५
एत्थ णं से कालासवेसियपुत्ते अणगारे संबुद्धे थेरे भगवंते वंदइ णमंसइ वंदित्ता णमंसित्ता एवं वयासी एएसिणंभंते! पयाणं पुट्विं अन्नाणयाए, असवणयाए, अबोहियाए अणभि गमेणं, अदिठ्ठाणं अस्सुयाणं अस्सुयाणं अविन्नायाणं अव्योगडाणं अवोच्छिन्नाणं अणिज्जुढाणं अणुवधारियाणं एयमद्रं नो सदहिए, णो पत्तइए, णो रोइए, इयाणि भंते ! एतेसिं पयाणं जाणणयाए, सवणयाए बोहीए, अभिगमेणं दिवाणं सुयाणं सुयाणं विन्नायाणं वोगडाणं वोच्छिन्नाणं णिज्जुढाणं उवधारियाणं एयमह सदहामि, पत्तियामि, रोएमि, एवमेयं से जहेयं तुब्भे वदह । तएणं ते थेरा भगवंतो कालासवेसियपुत्तं अणगारं एवं वयासो-सदहाहि अजो पत्तियाहि अजो, रोएहि अज्जो से जहेयं अम्हे वदामो । तएणं से कालासवेसियपुत्ते अणगारे थेरे भगवंते वंदइ नमसइ, वंदित्ता नमंसित्ता एवं वयासी-इच्छामि गं भंते ! तुन्भं अंतिए चाउज्जामाओ धम्माओ पंचमहव्वइयं सपडिकमणं धम्मं उवसंपज्जित्ताणं विहरित्तए, अहासुहं देवाणुप्पिया मा पडिबंधं करेह । तएणं से कालासवेसियपुत्ते अणगारे थेरे भगवंते वंदइ नमसइ, वंदित्ता नमंसित्ता चाउज्जामाओ धम्माओ पंचमहत्वइयं सपडिक्कमणं धम्म उवसंपजित्ताणं विहरइ । तएणं से कालासवेसियपुत्ते अणगारे बहूणि वासाणि सामन्नपरिय गं पाउणइ, पाउणित्ता जस्सट्टाएकीरइ नग्गभावे, मुंडभावे, अण्हाणयं अदंतधुवणयं, अच्छत्तयं, अणावाहणयं
શ્રી ભગવતી સૂત્ર : ૨
