________________
ढाळ : ३५ (राजा दशरथ दीपतौ रे)
१ पूज' भीखनजी पधारीया रे, देस ढूंढार दीपायो रे। ___ अति घणां श्रावगी आवीया रे, चरचा करण चित चाह्यो रे।
भारी बुद्धि भीक्खू तणी रे॥ २ स्वाम भणी कहै श्रावगी रे, नग्न-मुद्रा . मुनि नागा रे। ____ तार मात्र वस्त्र न राखणौ रे, राखै ते परिसह थी भागा रे।
तंत दृष्टंत भीखू तणा रे।। ३ वस्त्र राखौ शीत टालवा रे, तौ भागा शीत परिसह थी ताह्यो रे।
तिण सूं वस्त्र नहीं राखणौ रे, जद पूज बतावै न्यायो रे।। तंत. ४ स्वाम कहै-कितरा सही रे, परिसह भेद प्रकासौ रे?
ते कहै-परिसह बावीस छै रे, वलि पूछ पूज विमासो रे। तंत. ५ कहौ प्रथम परिसह किसो रे? ते कहै खुध्या रौ ताह्यो रे।
पूज कहै-थांरा मुनि रे, आहार करै कै नाह्यौ रे? तंत. ६ श्रावगी कहै-करै सही रै, इक टक आहार ते जागा रे।
पूज कहै-तुझ लेखै मुनि रे, प्रथम परिसह थी भागा रे॥ तंत. ७ ते कहै-खुध्यां लागां छतां रे, आहार करै अणगारो रे।
स्वाम कहै-सी लागां सही रे, वस्त्र म्हे राखां विचारो रे॥ तंत. ८ पूज वली पूछा करी रे, प्रगट तुझ मुनि पहिछांणी रे।
पांणी पीवै कै पीवै नहीं रे, उत्तर आपौ सुजांणी रे? तंत. ९ श्रावगी कहै-पीवै सही रे, इक टक उदक ते जागां रे।
स्वाम कहै-तुझ लेखै तिकै रे, दूजा परिसह थी भागा रे॥ तंत. १० ते कहै-त्रिस लागा छतां रे, उदक पीयै अणगारो रे।
स्वाम कहै-सी टालिवा रे, वस्त्र ओढां म्हे विचारो रे॥ तंज. ११ भूख लागा अन्न भोगवै रे, प्यास लागा पीयै पांणी रे।
इम निर्दोषण आचर्यो रे, न भागै परिसह थी नांणी । तंत.
१.भि. दृ. ३०।
२. एक बार। एक टक (क)
भिक्खु जश रसायण : ढा. ३५
- १०९
