________________
૧-ઢગલા
ભાવાર્થ :
સ્ત્રીના સાત દુઃખો.
પહેલું દુઃખ જે સ્ત્રી અવતાર, બીજું દુઃખ જે મૂઓ ભરતાર; ત્રીજું દુ:ખ જે નહિ સુતરત, ચોથું દુઃખ જે નહિ ઘર ધન્ન. પ પાંચમું દુ:ખ જે કરવું પાપ, છઠ્ઠું દુઃખ જે નહિ મા બાપ; ગર્ભ ધર્યો તો વહેવો ભાર, નારી દુઃખ તણો ભંડાર. ૬ પૂર્વની ઢાલ- (૧૩) ચાલુ.
ઉન્નતિ જૈન-તણી કરે, જ. સુંદરી દોઇ કૃપાલ; ગુ. ઇમ સુખભર રહેતાં થકાં જ. ગયો કેટલો કાલ. ગુ. ૨૭ ઇણિ અવસર ઉદ્યાનમાં, જ. જ્ઞાનધરુ મુનિરાય; ગુ. સમવસર્યા પરિવારશું, જ. ભવ્ય-વનજ બોધાય; ગુ. ૨૮ જંગમ તીરથ જાણીએ, જ. મુનિ શુભગુણ મણિમાલ; ગુ. ચોથે ખંડે તેરમી, જ. વીર કહે એ ઢાળ. ગુ. ૨૯
ચંપાનગરીમાં પ્રવેશ
ધનવાહ શેઠનો લાડકવાયો દીકરો, રિપુમર્દન રાજાની લાડકવાયી દીકરી, અમરકુમાર અને સુરસુંદરી વિદેશ યાત્રા કરીને આવી રહ્યા છે. એ આનંદના સમાચાર નગરમાં વાયુવેગે પહોંચી ગયા. સૈાને મળવાની ઉત્કંઠા વધારે છે. પરિવાર, નગરજનો આદિ સૈા સમુદ્રકાંઠે જવા લાગ્યા. બંનેની માતાઓ પણ હરખાઇ છે.
રિપુમર્દન રાજા જમાઇરાજનું સામૈયું કરવા સૈન્ય સહિત આવે છે. સુરસુંદરીનો પિતા દીકરી જમાઇન લેવા આવતાં ગુણવાન રાજા સદા જયવંતા વર્તે છે. પોતાના નગરના રાજાનો જમાઇ આવી રહયો છે. તે જાણી નગરજનો પણ તેને લેવા માટે સૈન્ય સાથે સમુદ્ર તીરે આવે છે.
વહેલી સવારે વહાણો ચંપાનગરીનમાં સમુદ્ર કિનારે પહોંચી ગયા છે. લોકમેદની સ્વાગત માટે જામી રહી હતી. પ્રાતઃકાર્ય થઇ ગયા પછી સુરસુંદરીએ નિત્યનિયમ મુજબ શ્રી નવકાર મહામંત્રનું આરાધન કર્યું. હોડીમાં બેસીને ત્રણેય કિનારે આવ્યા. આનંદ મેળો જામ્યો હતો. સંયોગ મેળાવડો થઇ રહયો છે.
ધનાવહ શેઠને ધનવતી શેઠાણી બાર વર્ષે દીકરાનું મુખ જોવા માટે કાંઠે આવ્યા છે. રાજાએ ચંપાનગરીને શણગારવા માટે આજ્ઞા આપી દીધી હતી.
હોડી માંથી ઉતરીને કિનારે આવતાં પુત્ર અને પુત્રવધુને જોતાં શેઠ શેઠાણી આનંદ પામ્યા. દીકરી-જમાઇને જોઇને રાજારાણી પણ ઘણાં આનંદ પામ્યા. આવી રહેલા કુમાર તથા સુરસુંદરીને ગુણમંજરી માતિા- ધનાવહ ને ધનવતીને પગે લાગે છે. ત્યારબાદ રાજારાણીને પગે લાગે છે. પોતાની જન્મભૂમિને વંદન કર્યા. તથા સર્વ લોકસમૂહને પણ કુમારે હાથ જોડી પ્રણામ કર્યા. સમુદ્રની સફરમાં ચંપાનગરીની ઘણી વાતોથી ગુણમંજરી ઘણી જાણીતી થઇ ગઇ હોય છે. તેથી તેણે પણ સુ૨સુંદરીની જેમ જ વ્યવહાર કર્યો.
મહાસતી શ્રી સુરસુંદરીનો રાસ
(૨૮૬)