________________
सूक्तमुक्तावली जगाद- अरे निर्बुद्धे ! गृध्रोऽपि त्वामवञ्चत्तच्छ्रुत्वा शृगालस्तामवदत्भो राज्ञि ! ममैकमेव गतं त्वं तु त्रिभिर्वञ्चितासि । तदपश्यन्ती मां किं दूषयसि चोपहससि ? तदा राज्ञ्यूचे - हे शृगाल ! त्वं तिर्यग्भूत्वा कथमेतद्वेत्सि ? तत्रावसरे मार्गे जातं सर्वं वृत्तान्तं स तमवोचत ।
ततः सा राज्ञी प्रतिबुद्धा विषयवासनां तत्याज, तेन चिरं सा सुखमन्वभूत् । भो लोकाः ! पश्यत इत्थमन्या अपि याः स्त्रियो विषयवासनां दुर्गतिप्रदां मत्वा त्यक्ष्यन्ति ता अपि राज्ञीव सुखिन्यो भविष्यन्ति प्रान्ते च सद्गतिमाप्स्यन्ति । पुनर्याः स्त्रियो दुश्चरित्र - माचरिष्यन्ति ता नूपुरपण्डितेवाभयलोके दुःखिन्यो भविष्यन्ति चान्ते दुर्गतिमाप्स्यन्ति ।
अथ सुलक्षणस्त्रीणां गुणानाहशादूलविक्रीडित वृत्ते
रूडी रूपवती सुशील सुगुणी लावण्य अंगे लसे, लज्जालु प्रियवादिनी प्रियतणे चित्ते सदा जे बसे । लीला यौवन उल्लसे उरवसी जाणे नृलोके वसी, एवी पुण्य तणे पसाय लहिये रामा रमा सारसी
K या स्त्री कुलीना भवति सा हि सर्वाङ्गानवद्या लज्जावती रूपवती शीलवती सद्गुणवती लावण्य - लीलावती, मिष्टातिसत्यभाषिणी, भर्तृचित्तानुवर्त्तिनी देवीव सदा सुस्थिरयौवना लक्ष्मीरिव महापुण्यवता प्राप्यते ||१३||
-
अथ कियतीनामुत्तमलक्षणवतीनां कामिनीनां नामानि दर्श्यन्ते उपजाति - वृत्ते -
310
