________________
३६
संस्कृत निबन्धशतकम्
अत्र वेदान्ताभिमत-मायावृत्तिसिद्धान्तस्य वर्णनम् । यस्येरिता सांख्यमयी दृढेह नौ-यया मुमुक्षुस्तरते दुरत्ययम् ॥
भाग० ९-८-१४
अत्र सांख्यशास्त्रस्य दृढनौकारूपेण प्रशंसनम् । प्रशान्तमायागुणकर्मलिङ्ग-मनामरूपं सदसद्विमुक्तम् । ज्ञानोपदेशाय गृहीतदेहं नमामहे त्वां पुरुषं पुराणम् ॥ भाग० ९-८-२५ अत्र वेदान्ताभिमतस्य त्रिगुणातीतस्य ब्रह्मणो वर्णनम् ।
एवं विवेचनेन भागवतस्य गुणगौरवं भावोत्कर्षत्वं च नितरां प्रतीयते । सत्यमिदं वचनम् —
श्रीमद्भागवतं पुराणममलं यद् वैष्णवानां प्रियं
यस्मिन् पारमहंस्यमेकममलं ज्ञानं परं गीयते । तत्र ज्ञान - विराग-भक्तिसहितं नैष्कर्म्यमाविष्कृतं
तच्छृण्वन् विपठन् विचारणपरो भक्त्या विमुच्येन्नरः ॥
