________________
ભીમદેવ માટે વિમલની વીરતા જોવાનો આ પ્રથમ જ પ્રસંગ હતો, એઓ એક વણિકની વીરતાનું સાક્ષાત્ દર્શન પામીને પોતાની જાતને કૃતાર્થ-ધન્ય માનતા સમશેર ઘુમાવી રહ્યા. સૂર્ય મધ્યાકાશે આવે, એ પૂર્વે તો સિંધરાજાનો સૂર્ય અસ્તીય ક્ષિતિજે ઢળી પડ્યો. ગુજરાતના જયજયકારથી ગગનનું ગુંબજ ફાટી પડ્યું. સિંધરાજનાં બધાં ખંડિયા રાજયો ભીમદેવ આગળ નમી પડ્યાં, ગુજરાતના એક સેનાધિપતિને સિંધનું સુકાન સોંપીને ભીમદેવ ચેદિ પતિ કર્ણને જીતવા એક દિ પ્રયાણ કરી ગયા, ત્યારે સંગ્રામસિંહ પોતાની સેના સાથે ચેદિની રાજધાનીમાં પહોંચવા આવ્યો હતો.
૧૬૪
આબુ તીર્થોદ્ધારક
