________________
જ કહેવાનું કે, આપના અંગરક્ષક તરીકે મારી એ ફરજ થઈ પડે છે કે, જેની પર આપ અપ્રસન્ન હો, એને મારાથી જીવતો ન રાખી શકાય ! પછી ભલેને આપની અપ્રસન્નતાનો ભોગ બનનારો એ મારો બાપ પણ કેમ ન હોય ? તને પિતૃ હત્યાનું પાપ ન લાગે, એ માટેનો ઉપાય પણ મેં ગોતી જ રાખ્યો છે ! રાજાને નમતાની સાથે જ હું કાલકૂટ ઝેર મોંમાં મૂકી દઈશ. એથી તારે તલવાર તો મારા શબ પર જ ચલાવવાની રહેશે !
યોજના ભયંકર હતી. પણ મંત્રીશ્વરની અગમચેતી પર પણ સૌને એવો વિશ્વાસ હતો. એથી રડતી આંખે શ્રીયકને આ જવાબદારી અદા કરવાની હા પાડવી પડી. મંત્રીશ્વરના રોમેરોમમાં જિનધર્મ વસ્યો હતો. એથી એ આખી રાતને એમણે આરાધનામય બનાવી દીધી. સવારે ઉઠ્યા બાદ પણ પ્રભુ પૂજા આદિ કરીને અંતિમ સમયની સંપૂર્ણ આરાધના કરવા પૂર્વક એઓ રાજસભામાં જવા માટે તૈયાર થયા. આજની સભામાં વચિ પણ કોઈ દાવ નાંખવાની યોજના સાથે હાજર રહ્યો હતો. સભા હકડેઠઠ ભરાઈ હતી. રાજા નંદની પડખે શ્રીયક અંગરક્ષકની અદાથી નાગી તલવાર તાણીને ખડો હતો. એટલામાં જ આ મંત્રીશ્વર શકટાલ રાજ્ય સભામાં પ્રવેશ્યા. રાજ-પ્રણામ કરવા એમણે જ્યાં મસ્તક નમાવ્યું, ત્યાં જ રાજા નંદે મોં ફેરવી લીધું. બરાબર એજ પળે શ્રીયકના હાથમાં રહેલી નાગી તલવાર નમેલા એ મંત્રીશ્વરના માથા પર ફરી વળી. શરીરથી અલગ પડેલું એ મસ્તક જોતા જ આખી સભા ધ્રુજી ઉઠી.
આ બનાવ એટલો બધો ઝડપથી બની ગયો હતો કે, રાજા, વચિ અને આખી સભા સ્તબ્ધ બની ગઈ. રાજાએ આશ્ચર્ય અને આઘાત સાથે શ્રીયકને પૂછ્યું તે આ શું કરી નાંખ્યું ? શ્રીયકે તરત જ નીડરતાથી જવાબ વાળ્યો કે, મેં મારા કર્તવ્યને અદા કરવા સિવાય વધારે કશું જ કર્યું નથી ! જેની પર આપની અકૃપા હોય, એની પર મારે આવી કટાર કૃપા કરવી જ રહી. આપને જેનામાં રાજદ્રોહની ગંધ આવતી હોય, એ વ્યક્તિ મારા જીવતા જીવતી રહે, તો તો મારી વફાદારી લાજે !
મહારાજા ખારવેલ
NN
૩૩
