________________
તકેદારી પૂર્વક એણે ભાગ લીધો. એ પ્રસંગ પણ ધામધૂમથી ઉજવાઈ ગયો. એ શસ્ત્રો રાજાએ ભેટણાં તરીકે સ્વીકારી પણ લીધા. પરંતુ રાજાના મનમાં ઘર કરી ગયેલો અવિશ્વાસ દૂર ન થયો. એથી બીજે દિવસે જ્યારે મંત્રીશ્વર પ્રણામ કરવા આવ્યા, ત્યારે રાજાએ મોં ફેરવી લીધું. શકટાલની શક્તિ અને પ્રભાવ એવો હતો કે, આ રીતે મોં ફેરવી લેવાથી વધુ કશું જ કરી શકવા નંદરાજા સમર્થ ન હતો. મંત્રીશ્વર શકટાલ રાજાની આવી અપ્રસન્નતા પરથી વાતનું હાર્દ પામી ગયા કે, નક્કી નંદરાજા કોઈની કાનભંભેરણીનો ભોગ બન્યા છે !
સભા વિસર્જિત થયા બાદ મંત્રીશ્વર ઘરે આવ્યા. પણ જીવવું હવે એમના માટે ઝેર થઈ પડ્યું હતું. સમગ્ર કુટુંબની સુરક્ષા ખાતર પોતાનું બલિદાન ધરી દીધા સિવાય કોઈ ઉપાય ન જણાતા એમણે ઘરભેગું કરીને કહ્યું ઃ શ્રીયક ! સ્થૂલભદ્ર તો કોશાની કેદમાં પુરાયો છે. એથી એક વસમી જવાબદારી અદા કરવાનો અવસર તારી સમક્ષ ઉપસ્થિત થયો છે. વાતને લંબાવવાનો આ વખત નથી. કેમ કે પળ લાખેણી જાય છે, માટે હું તને આજ્ઞા કરું છું કે, કાલે તારે ભર સભામાં રાજા નંદની નજર સામે તલવારના એક જ ઝાટકે મારું માથું ઉડાવી દેવાનું છે !
શ્રીયક જ નહિ, આખું ઘર આ વાત સાંભળીને ધ્રૂજી ઉઠ્યું શકટાલનો શિરચ્છેદ ! શ્રીયકે પિતાના પગ પકડી લેતા અને રોતારોતા કહ્યું : શું મારે પિતૃ હત્યારા બનવાનું ? શ્રીયકને શાંત કરીને ધીરગંભીર વાણીમાં શકટાલે કહ્યું : આજે સભામાં રાજાએ મોં ફેરવી લીધું, એ તો તે સગી આંખે જોયું ને ? ચોક્કસ કોઈની કાન-ભંભેરણી થઈ છે અને આપણા કુટુંબ પર આફત તોળાઈ ચૂકી છે. કાલે રાજા રૂઠશે અને આપણને તમામને કેદમાં પૂરીને મારી નાંખશે. આપણા પૂર્વજ મંત્રીશ્વર કલ્પકના જીવનમાં બનેલી આવી ઘટના તારા ખ્યાલ બહાર નથી જ ! માટે સંભવ છે કે, તું મારી હત્યા કરી નાંખે, તો આપણું આ આખું કુટુંબ ઉગરી જાય ! હત્યા બાદ તારે રાજાને એટલું
૩૨
જયજય મહારાજા ખારવેલ
~~~~~~~
