________________
રહી. સૌ પાછા ફર્યા. વેરની વસૂલાત લેવા ઝનુની બનેલા વરરુચિમાં આ ઘટનાએ વધુ વેરભાવના પેદા કરી અને એ છિદ્ર ગોતી રહ્યો, એમાં એક દિ એના હાથમાં એક છિદ્ર આવી પણ ગયું.
મંત્રીશ્વર શકટાલનો મોટો પુત્ર સ્થૂલભદ્ર તો લગભગ બાર બાર વર્ષથી કોશા વૈશ્યાના પ્રેમપાશમાં એવો સપડાયો હતો કે, એમાંથી બહાર નીકળવાનું નામ જ નહોતો લેતો ! એથી રાજાના અંગરક્ષક તરીકેની મહત્વની જવાબદારી નાનો પુત્ર શ્રીયક સંભાળી રહ્યો હતો. એનાં લગ્ન નક્કી થતાં મંત્રીશ્વર શwાલે ભટણા તરીકે રાજા સમક્ષ ધરી શકાય, એવા શસ્ત્રો તૈયાર કરવાનું ચાલુ કર્યું હતું. આ વાતની ગંધ વરરુચિને ક્યાંકથી આવી ગઈ અને એ આનંદી ઉઠ્યો. એણે સંસ્કૃતમાં એક શ્લોક બનાવીને બાળકોને કંઠસ્થ કરાવ્યો અને કોઈ ગીતની જેમ આ શ્લોક આખા શહેરમાં બાળકોના મોંમા રમી રહ્યો. એ શ્લોકનો ભાવ એવો હતો કે, રાજા નંદ એ જાણતા નથી કે, આ શકટાલ નંદનો નાશ કરીને રાજા તરીકે શ્રીયકને સ્થાપશે!
આખા ગામમાં આ શ્લોક બાળકોના મોંમાં ગવાવા લાગ્યો. પણ એ તરફ કોઈનું ધ્યાન ન ગયું. એક દિવસ તક સાધીને વરરુચિ રાજા પાસે પહોંચી ગયો. એણે કહ્યું : મહારાજ ! શ્રીયકનો આ લગ્ન મહોત્સવ, એના રાજ્યાભિષેકનો મહોત્સવ ન બની જાય, એનો ખ્યાલ રાખશો ! કારણ કે આપના વધનું કાવતરું રચાઈ ગયું છે. લગ્નના બહાને મંત્રી શકટાલ આપને ઘર આંગણે આમંત્રીને આપનું કાસળ કાઢી નાંખવા માંગતો હોય, એવી વાતો ગીતોમાં બાળકો પણ ગાઈ રહ્યા છે અને સાંભળવા મુજબ મંત્રીના ઘરે આ માટે શસ્ત્રો પણ તૈયાર થઈ રહ્યા છે. માટે સાવધ રહેવા વિનંતિ કરવા આવ્યો છું.
વરચિની વાત સાંભળીને નંદના આઘાત-આશ્ચર્યનો પાર ન રહ્યો. એમની તપાસ કરાવડાવી, તો વાતમાં કંઈક તથ્ય લાગ્યું. કારણ કે મંત્રીના ઘરે શસ્ત્રો ઘડાઈ રહ્યા હતા અને બજારમાં બાળકો આવી વાતો પ્રચારી રહ્યા હતા. રાજા નંદ સાવધ થઈ ગયો. લગ્નના પ્રસંગમાં ખૂબ
મહારાજા ખારવેલ
~~~~~ ૩૧