________________
ગૌરવવંતો ગિરનાર અને જિનાલયો
પૂ. તપસી મહારાજ” તરીકે ઓળખાતા વર્ધમાન તપ પ્રભાવક પૂ. આચાર્યદેવ શ્રી હિમાંશુસૂરીશ્વરજી મહારાજાની ગિરનાર તરફથી ભક્તિભાવના અદ્ભુત હતી. વ્યાખ્યાનવાચસ્પતિ પૂજય આચાર્યદેવ શ્રીમદ્ વિજયરામચન્દ્રસૂરીશ્વરજી મહારાજનું શિષ્યત્વ ધરાવનારા તેમના ગુરુબંધુ પૂ.આ.શ્રી જિતમૃગાંકસૂરીશ્વરજી મહારાજ તથા સંસારી સંબંધે પુત્ર પૂ.આ.શ્રી નરરત્નસૂરીશ્વરજી મહારાજ પણ અદ્ભુત સંયમ સાધના કરી ગયા. તપસ્વી પૂજય આચાર્યદેવશ્રીની અદ્ભુત સેવાનો લાભ પામનારા પૂ.પંન્યાસપ્રવર શ્રી હેમવલ્લભવિજયજી ગણિવર (પૂજ્ય પંન્યાસ શ્રી ચન્દ્રશેખરવિજયજી ગણિવરના શિષ્યરત્ન પૂ. પં. શ્રી ધર્મરક્ષિતવિજયજી ગણિવરના શિષ્યરત્ન) પણ સેવાના પ્રભાવે આયંબિલતપમય અને ગિરનારમય બનવા પૂર્વક “સૌ ચાલો, ગિરનાર જઈએ’ આવા નાદથી સકળ સંઘમાં ગિરનાર ભક્તિની ભરતી આણવામાં જે રીતે નિમિત્ત બનવા ઉપરાંત ગિરનારના મંદિરોના જીર્ણોદ્ધારના પ્રેરક બની રહ્યા છે, એનો જ એ પ્રભાવ છે કે, આજે ચો તરફથી ગિરનારના યાત્રિકોનો પ્રવાહ વૃદ્ધિગત બની રહ્યો છે. પૂજ્યશ્રી દ્વારા લિખિત “સૌ ચાલો ગિરનાર જઇએઆ પ્રકાશનના આધારે આ વિભાગ સંકલિત કરવામાં આવ્યો છે.
• ગિરનારગિરિ પણ શત્રુંજયગિરિની જેમ પ્રાયઃ શાશ્વત છે. પાંચમા આરાના અંતે શત્રુંજયની ઊંચાઈ ઘટીને સાત હાથ થશે, ત્યારે શત્રુંજયના પાંચમા શિખર સમા ગિરનારની ઊંચાઈ સો ધનુષ્ય રહેશે.
