________________
• પાંચમું શિખર હોવાથી તે પંચમ જ્ઞાન અર્થાત્ કેવળજ્ઞાન અપાવનારું છે.
• આ મનોહર એવો ગિરનાર સમવસરણની શોભાને ધારણ કરે છે, કારણ કે તે વિસ્તારથી મધ્યમાં ચૈત્યવૃક્ષ જેવું મુખ્ય શિખર અને ગઢ જેવા આજુબાજુમાં અન્ય નાના પર્વતો આવેલા છે. જાણે કે ચાર દિશામાં ઝરણાં વહેતાં હોય તેવા ચાર દ્વારા રૂપ ચાર પર્વતો શોભી રહ્યા છે.
• ગિરનાર ઉપર અનંતા તીર્થંકરો આવેલા છે અને મહાસિદ્ધિ અર્થાત મોક્ષપદને પામેલા છે. બીજા અનંતા તીર્થંકરના દીક્ષા-કેવળજ્ઞાન અને મોક્ષકલ્યાણક થયા છે. તેમજ અનેક મુનિઓ પણ મોક્ષપદને પામ્યા છે અને ભવિષ્યમાં પામશે.
• ગઈ ચોવીસીમાં થયેલા ૧, શ્રી નમીશ્વર ૨, શ્રી અનિલ ૩, શ્રી યશોધર ૪, શ્રી કૃતાર્થ ૫, શ્રી જિનેશ્વર ૬, શ્રી શુદ્ધમતિ ૭, શ્રી શિવંકર અને ૮, શ્રી સ્પંદન નામના આઠ તીર્થકર ભગવંતોના દીક્ષાકેવળજ્ઞાન અને મોક્ષકલ્યાણક અને અન્ય બે તીર્થકર ભગવંતના માત્ર મોક્ષકલ્યાણક ગિરનાર ગિરિવર ઉપર થયા હતા. વર્તમાન ચોવીસીના બાવીસમાં તીર્થકર શ્રી નેમિનાથ ભગવાનના દીક્ષા-કેવળજ્ઞાન અને મોક્ષકલ્યાણક ગિરનાર ઉપર થયા છે. તેમાં દીક્ષા અને કેવળજ્ઞાન કલ્યાણક સહસાવન (સહસ્રામ્રવન)માં તથા મોક્ષકલ્યાણક પાંચમી ટૂંક ઉપર થયેલ છે. આવતી ચોવીસીમાં થનારા શ્રી પદ્મનાભ થી માંડીને શ્રી દેવ સુધીના ૨૨ તીર્થકરોના મોક્ષ કલ્યાણક તથા શ્રી અનંતવીર્ય શ્રી ભદ્રકૃત આબેના દીક્ષા-કેવલ-નિર્વાણ કલ્યાણક ગિરનાર પર ઉજવાશે.
• ગિરનાર મહાતીર્થની ભક્તિ દ્વારા શ્રી નેમિનાથ ભગવાનના રહનેમિ સહિત આઠ ભાઈઓ, શાંબ, પ્રદ્યુમ્ન આદિ અનેક કુમારો, કૃષ્ણ મહારાજાની આઠ પટ્ટરાણીઓ, સાધ્વી રાજીમતિશ્રી આદિ અનેક ભવ્યાત્માઓ મોક્ષપદને પામ્યા છે અને કૃષ્ણ મહારાજાએ તો આ
૧૩ર કે ગિરનારની ગૌરવગાથા
