________________
બન્ને પક્ષે આ નિર્ણયને વધાવી લીધો, અને બન્ને સંઘોનું સહપ્રયાણ શરૂ થયું ! સંઘ દાદાના દરબારમાં પહોંચી ગયો.
– ૧ – કામવિજેતા ભગવાન શ્રી નેમિનાથ સ્વામીના રંગમંડપમાં હવે ખરી રસાકસી જામી રહી હતી! તીર્થ કોનું? આ પ્રશ્નને બન્ને પક્ષે, પોતાનો પ્રાણપ્રશ્ન ગણ્યો ને એના ઉકેલ કાજે પોતાનું સર્વસ્વ ન્યોચ્છાવર કરી દેવાના શપથ સાથે બન્ને પક્ષે ઝઝૂમી લેવાનો નિર્ણય પણ કરી લીધો.
ગિરનારને પોતાનો સાબિત કરવાની હોડ-હરીફાઈ શરૂ થઈ ! ઉછામણી સુવર્ણથી શરૂ થઈ અને એનીય છેલ્લી સીમા આવી ગઈ ! પછી બીજી રીતે ઉછામણી શરૂ થઈ ને એની છેલ્લી હદ આવી ગઈ અને છેલ્લે છેલ્લે સુવર્ણ ઘડીથી ઉછામણી આંરભાઈ:
પાંચ ધડી ! શરૂઆત મહામાત્ય પેથડશાહે કરી. “છ ધડી !' સાત ધડી?”
આમને-સામનેથી ધડીઓનો આંકડો વધવા લાગ્યો ! પૂરના પાણી જેમ હેરત પમાડે એ રીતે ઊંચાં ચડતાં જાય, એમ ધડીની સંખ્યા વધતી જ ચાલી !
ભગવાન નેમનાથની જમણી બાજુએ, પેથડશાહનો પક્ષ ખડો હતો ને ડાબી બાજુએ પૂર્ણનો ! આ પરથી જ વૃદ્ધોએ રૂખ કાઢી લીધી કે, જય કોનો થશે ! એમને પેથડશાહને ભગવાનની જમણી બાજુ સ્થાન મળવાથી એમનો જય નક્કી લાગતો હતો! મંત્રીશ્વરે હરીફાઈને જોરદાર બનાવી : સોળ ધડી સોનું !
પેથડશાહે આજે જબરી હોડ મૂકી હતી !
દિગંબરીય સંઘ ને સંઘવી પૂર્ણને તો ધોળે દિવસે તારાં દેખાવા માંડ્યાં. બધા સ્તબ્ધ બની ગયા : સોળ ધડી સોનું ? દશ મણની એક
૧૧૨
ગિરનારની ગૌરવગાથા
