________________
અર્પણ કર્યું અને સ્વર્ગસ્થ પૂજ્ય આત્મારામજી મહારાજના પટ્ટધર, તરીકે જાહેર કર્યો. તે દિવસથી તેઓ શ્રી વિજયકમલસુરીશ્વરજી તરીકે આ જગતમાં પ્રસિદ્ધ થયા. આ પ્રસંગે મુનિ શ્રી વીરવિજયજીને ઉપાધ્યાયપદ અને મુનિ શ્રી કાંતિવિજયજીને પ્રવર્તક પદ આપવામાં આવ્યું હતું.
ઈ. સ૧૯૦૧નું ચાતુર્માસ પાટણમાં વ્યતીત કરી ગ્રામાનુગ્રામ વિહાર કરતાં તેઓશ્રી ભાણસા પધાર્યા. સંઘે તેમનું ઉમળકાભેર સુંદર સ્વાગત કર્યું અને ચાતુર્માસ માટે આગ્રહભરી વિનંતિ કરી. માણસાનું ભાગ્ય જોરદાર એટલે એ વિનંતિને સ્વીકાર થયો.
ઈ. સ. ૧૯૦૨નું ચાતુર્માસ માણસામાં થયું. આ ચાતુર્માસમાં પૂજ્ય આચાર્યશ્રીની અમૃતવર્ષિનું ભવ્ય દેશનાથી ઘણે ઉપકાર થવા પામ્યો. જીવદયા, જ્ઞાનોદ્ધાર, દીદ્ધાર વગેરેનાં અનેક સુકૃત્ય થયાં, તેમજ ભવ્યાત્માઓની ભવબિમણુભીતિ સારા પ્રમાણમાં ભાંગી. તેમના સમાગમથી લાલચંદનાં હૃદયમાં વિકસી રહેલી વૈરાગ્ય વેલડીને પુષ્પો આવ્યાં અને તેઓ ફરી સંયમ લેવા કટિબદ્ધ થયા. તેમણે આચાર્યશ્રીને કહ્યું: “પ્રભો, છેલ્લા બે વર્ષથી દીક્ષા માટે તલસી રહ્યો છું, પણ મારી ભાવના પૂર્ણ થતી નથી. પૂજ્ય ઉદ્યોતવિજયજી મહારાજ પાસે દીક્ષા લેવા માટે હું ત્રણ વાર ગયે અને ત્રણે વાર મારાં સગાંવહાલાંઓ મને બળજબરીથી પાછા લઈ આવ્યા. હવે આપ મને કોઈ સારા ક્ષેત્રમાં ગુપચુપ દીક્ષા આપે તો સાધુવેશમાં હું તેમને સારી રીતે સમજાવી શકીશ અને તેઓ પણ ધાર્મિક વૃત્તિના હેવાથી દીક્ષા લીધા પછી વધારે જોર અજમાવશે નહિ.”
સૂરીશ્વરજીએ સર્વ સંગો ધ્યાનમાં લઈ તેમને આશ્વાસન આપ્યું અને હવે થોડા વખતમાં જ તમારી ભાવના પૂર્ણ થશે એમ જણાવ્યું. આથી લાલચંદને ઘણો આનંદ થયો અને તેઓ એ શુભ દિવસની પ્રતીક્ષા કરવા લાગ્યા.
ચાતુર્માસ પછી સૂરીશ્વરજીએ વિહાર કર્યો અને બેરૂ પધાર્યા.