________________
ખૂબ પડશે અને તેઓ ધાર્મિક વિષયમાં પણ સારી પ્રગતિ કરવા લાગ્યા.
- શાળાઓમાં રજા પડતી કે તહેવારોની છૂટી મળતી, ત્યારે લાલચંદ બાલશાસન જતા અને માતાને મળી આવતા. માતા તેમને સાજાનરવા જોઈને તથા વિદ્યાભ્યાસમાં આગળ ધપતા જાણીને ઘણા રાજી થતા અને તેમના મસ્તક તથા પીઠ પર વાત્સલ્યભર્યો હાથ ફેરવતા. આ જગતમાં માતા જેવું વાત્સલ્ય બીજુ કેણ દર્શાવી શકે છે?
વૈરાગ્યના બીજ ઈ. સ. ૧૯૦૦માં પૂ. આત્મારામજી મહારાજના પંજાબી શિષ્ય ઉદ્યોતવિજયજી મહારાજે માણસામાં ચાતુર્માસ કર્યું. તેમના સત્સંગે લાલચંદના હૃદયક્ષેત્રમાં પડેલાં વૈરાગ્યબીજોને નવપલ્લવિત કર્યા. હવે લાલચંદને સંસારના સર્વ સંબંધે મિથ્યા ભાસવા લાગ્યા અને તેમાં બંધાઈ રહેવું એ એક પ્રકારની કાયરતા લગી. “જે સંસારત્યાગ એ જીવનને કલ્યાણકારી પ્રશસ્ત માર્ગ છે, તે તેને આજથી જ ગ્રહણ કેમ ન કરે? પરંતુ મમતાળુ માતા મને છૂટો પડવા દેશે ખરી ? અને વહાલસોય ભાઈ, કાકા, કાકી વગેરે શું કહેશે ? વળી આ ફાઈ તો મને આંખની કીકી જેવો માને છે અને શાળાએથી છેડે મોડે આવ્યો હોઉં તો પણ ઊંચી-નીચી થઈ જાય છે, તે મારો વિયોગ જરા પણ સહન કરી શકશે નહિ. તે મારે શું કરવું ? ખરેખર ! સમસ્યા ઘણી વિકટ છે !'
આ મનોમંથનમાં ચાતુર્માસ વ્યતીત થયું અને પૂજ્ય ઉદ્યોતવિજયજી મહારાજ વિહાર કરીને વડાલી પધાર્યા. તે વખતે લાલચંદનું મનોમંથન પૂર્ણ થયું અને તેઓ સંસારને ત્યાગ કરવાના મક્કમ નિર્ણય પર આવી ગયા. આથી તેઓ એકાએક વડાલી પહોંચ્યા અને પિતાને દીક્ષા દેવાની વિનંતિ કરી. પરંતુ તેમની દીક્ષાની આ વિનંતિ સફળ થાય તે પહેલાં તેમના ફેઈ તથા બીજા સંબંધીઓ
