________________
પણ સામેલ હતા. મહાપુરુષોની વાણી અમોઘ હોય છે, એટલે તેની અસર થયા વિના રહેતી નથી. તેમાં જે આત્માઓ ભવભીરુ હોય છે, અને જેમને ભવાંત નજીક હોય છે, તેમને એ વાણીની ખૂબ જ અસર થાય છે. લાલચંદને આ વાણીએ ખૂબ અસર કરી અને તેઓ આ મહાપુરુષના અતિ પ્રભાવશાળી વ્યક્તિત્વથી ખૂબ જ આકર્ષિત થયા. પછી તે એકલા જઈને પણ તેમના દર્શન-સમાગમ ને લાભ લેવા લાગ્યા. આ સંતસમાગમનાં પરિણામે સંસારની અસારતા મનમાં વસી અને વૈરાગ્યનાં બીજ વવાયાં. ખરેખર? થોડા વખતને સંતસમાગમ પણ અદ્ભુત કામ કરી જાય છે. સંત તુલસીદાસજીએ ઠીક જ કહ્યું છે કે
આધિસે આધિ ઘડી. આધિસે પુતિ આધ; તુલસી સંગત સાધુકી, કટે કેટ અપરાધ.
લાલચંદની આ મનભાવના નિહાળી શ્રીમદ્ કમલવિજયજી મહારાજને ઘણો આનંદ થયો. તેમણે લાલચંદને પિતાને વિદ્યાભ્યાસ વધારવાની સૂચના કરી અને એક મંગલ પ્રભાતે ત્યાંથી વિહાર કર્યો.
લાલચંદને વિશેષ ભણવાની ઈચ્છા હતી, પણ બાલશાસનમાં એ બની શકે તેમ ન હતું. માતા મોતીબહેનનો મત તો એવો જ હતું કે વધારે ભણીને શું કામ છે?” તેથી આખરે એવો નિર્ણય કરવામાં આવ્યો કે વિશેષ વિદ્યાભ્યાસ માટે લાલચંદને માણસા–તેની ફેઈ દલસીબહેનને ત્યાં મેકલવો.
આ રીતે લાલચંદ બાલશાસન છેડી માણસામાં આવ્યા અને ત્યાંની સરકારી શાળામાં દાખલ થઈ વિશેષ વિદ્યાભ્યાસ કરવા લાગ્યા..
જ્યાં ખંત અને ઉઘમ હોય ત્યાં પ્રગતિ થતાં શી વાર? દલસીબહેન પણ તેમના વિદ્યાભ્યાસની ખૂબ કાળજી રાખતા અને બાકીના સમયમાં તેમનું ધાર્મિક જ્ઞાન વધે તેવા પ્રયત્ન કરતા. દલસીબહેનનું પિતાનું જીવન ઘણું ધમપરાયણ હતું, એટણે લાલચંદ પર તેને પ્રભાવ
