________________
पाइयपच्चूसो
पढमो सग्गो
सइ२-३ आमलकप्पाए, णयरीए य ससीसो समागओ ।.. णर-सुर-पूइअपायो, अंतिमतित्थयरो य वीरो ॥१॥ सोऊण समागमणं, पहुणो मणुस्सा अहमहमिआए । समायांति वंदेउं, सलहेंति णिअभागहेयं ॥२॥ सुणिआण समावयणं, तत्थट्ठो सेयणामो भूवई । णिअराणीए सद्धिं, आगमेइ विहुणो पासम्मि ॥३॥ बुझिअ ओहिणाणेण, आमलकप्पाए वीरागमणं । सुहम्मासहाअ. ठिओ, वृंदारयपरियरेहिं समं ॥४॥ सूरियाभणामसुरो, ओअरिऊण णिआसणा तयाणिं । वंदेइ य तत्थट्ठो, भगवं सभत्तिब्भरहियेण ॥५॥
(जुग्ग) जाण जीवणं लोए, चाअमयं परोवयारपुण्णं य । कुणेइ को अण तेसिं, पायारविंदेसु वंदणं ॥६॥ णमिऊण महावीरं, सूरियाभो इमं चिंतेइ मणे ।। गमिअ आमलकप्पाए, (मए) सक्खं वीरो वंदियव्वो ॥७॥ देवपरियरेण समं, सो आगमेइ आमलकप्पाए । चिट्टेइ जत्थ वीरो, तत्थ समायाइ सयराहं ॥८॥ सविहिं वंदेइ विहुं, पडिपुच्छेइ इमाइं पण्हाइं । भवसिद्धिओ किं अहं, अभवसिद्धिओ वा विज्जेमि ॥९॥ किं अहं सम्मदिट्टी, मिच्छादिट्टी वा इयाणि भयवं । अपरित्तसंसारिओ, किं वा परित्तसंसारिओ ॥१०॥ सुलहबोहिओ किं अहं, दुल्लहबोहिओ अहवा संपयं । आराहओ अहयं, किं वा विराहओ विज्जेमि ॥११॥
(२) आर्याछंद (३) सकृत् (४) श्लाघन्ते (श्लाघ: सलह:-प्रा.व्या. ८।४।८८) । (५) देव परकरैः (निवृत्तवृन्दारके वा-प्रा.व्या.८ ।१ ।१३२) । (६) अण णाई नजथे (प्रा.व्या.८ ।२।१९०)। (७) शीघ्रम् (सयराहं नवरि. पाइयलच्छी नाममाला१७)।
