________________
पाइयपच्चूसो
देइ सिक्खं तया गणीवरो, रमेज्ज धम्मे तमं सासयं । धम्मो सहाओ सया णराण, धम्मो ताणं सरणं गई य ॥१२ ।। वयाई गहियाइं णिआई, तमं दिढत्तेणं रक्खेज्जा । होहिंति सया तुह सुहियाई, माई कयाइ ताणि चएज्जा ॥१३ ॥ दाऊण तस्स इमं य सिक्खं, कडो आयरियेणं विहारो । गच्छेइ छड्डिउं तं तयाणिं, बंकचूलो वि किंचि दविटुं ॥१४ ।। समागया जया रज्ज-मेरा, कहेइ बंकचूलो रुवंतो' । पुणो य देज्जा अम्ह दंसणं, हे दयालो ! गणीवरो !भवं. ॥१५ ॥ इत्थं णिवेऊण गणाहिवं, सो कारेइ तस्स य विहारं । गये दविट्ठे गणिणो तयाणि, आओ विमणो सो पासाये ॥१६॥ मणो तयाणि तस्स णो लग्गइ, कम्मि कज्जम्मि बंकचूलस्स । परं झाउं साहूण मेरं, देइ आसासणं णियं मणं ॥१७ ।। सुमरेतो गणिं हुं पइक्खणं, कुणेइ धम्म-जागरणं सया ।। बोल्लेइ सो णियगं य कालं, धम्मकज्जेसु चेअ सासयं ॥१८ ।। इत्थं वईआ केइ वासरा, अक्कमेइ एगया ससेणो कामरूवदेसस्स सासगो, तस्सि य रज्जम्मि य अकम्हा ॥१९॥ णाऊण इमं तयाणि वत्तं, कहेइ भूवई बंकचूलं । पुत्त ! तुमं तुरिअं गच्छेज्जा, बलं णेऊण करिउं जुद्धं ॥२०॥ अण वांछेइ कम्मि अक्कमणं, परं जया को वि ओहावेई । तया काउं देसस्स रक्खं, जुज्झेइ य अहिंसाणिट्ठगो ॥२१ ॥ णो कुव्वेइ कयाइ पलायणं, पालेइ सइ सो स-कायव्वं । मूसा इणं विज्जए कहणं, कायरा होति सया अहिंसगा ॥२२ ॥(जुग्गं)
(४) सीमा (सीमा मेरा–पाइयलच्छी नाममाला ७०२) ! (५) रुदन (रुदनमोर्व:-प्रा.व्या. ८/४/२२६) (६ व्यत्येति।
(3)आक्रामनिआक्रमरोहावोत्थारच्छन्दा:-प्रा.व्या.८/४/१६०)।
माला (3) आक्रानिआक्रमशतावरच्छन्दः प्रात्य..!१६०)