________________
३९
पाइयपच्चूसो
छट्ठो सग्गो
लोगे वयाणं गहणं जया णो, किच्चं य णिच्वं सुयरं णराणं । घेत्तूण तेसिं परिवालणस्स, वत्ता कहं होहिइ दुक्करा णो ॥१॥ णेऊण ताई मणुयो य जो य, पालेइ सम्म दिढमाणसेणं । विवत्तिवग्गो य समागओ से, णासं य गच्छेइ अतक्तिकओ भो ! ॥२॥ बंकाइचूलो णियमा गहित्ता, रक्खेइ सम्मं मणसा तयाणिं । विवत्तिवग्गो य कहं य तस्स, णासेइ पेच्छंतु य पाढगा य ॥३॥ उण्हम्मि कालम्मि य एगया सो, णेऊण भिल्लाण णिआ सुसेणा । एगं य गामं किर लुट्टिउं य, वच्चेइ मोयं पउरं धरेंतो ॥४॥ लट्टेउकामा य इणं य गाम, आयांति थेणा मिलिऊण अत्थ । गुत्तं रहस्सं लहिऊण इत्थं, सव्वे मणुस्सा चइऊण गामं ॥५॥ णेऊण अग्धं णिअवत्थुजायं, दाऊण गेहेसु य तालगा ते । वच्चेंति अण्णत्थ दुयं तयाणिं, थेणेहि भीया मणुया य सव्वे ॥६॥(जुग्गं) भिल्लाण सेणाअ समं अकम्हा, सो आगओ तत्थ मुअं धरेंतो । दह्ण गामं मणुएहि सुण्णं, चित्तम्मि चित्तं पउरं पयायं ॥७॥ सव्वे वि मच्चा अहुणा य कुत्थ, गामं चइत्ताण समागया य । कालो य अम्हेहि वरो य लद्धो, णं लुट्टिउं मच्चसुण्णगामं ॥८॥ भासेइ भिल्ला सयराहमेव, गंतूण गेहेसु णयेज्ज वत्थु । जं मोल्लवं भे अहुणा मुणेज्जा, गेण्हेज्ज तं दुत्ति महं ति आणा ॥९॥ गच्छेति सव्वे लहिऊण आणं, णेउं य वत्थूणि य मोल्लवाइं । णाइं य केणा वि परं य किंचि, वत्थु पलद्धं य कडे वि पयत्ते ॥१०॥ ते रित्तहत्था सविहम्मि तस्स, आगम्म साहेति तयाणि इत्थं । . णूणं य णो आगमणस्स भेयो, लद्धो णरेहिं अहुणा अओ ते ॥११॥ णेऊण वत्थु णिअगं अणग्धं, भीया य अम्हेहि सयराहमेव । अण्णत्थ दाणिं य अओ गया ते, अम्हेहि वत्थु अण किं वि पत्तं ॥१२ ॥(जुग्गं) (१) छन्द-इन्द्रवज्रा (लक्षण-स्य.. रेन्द्रवज्रा यदि तौ जगौ गः)। (२) यूयम् । (३) अस्माकम् ।
