________________
पाइयपच्चूसो
साहूणं पुढमं कज्ज, सयन्त- साहणा चिअ । उवएसं उ गोणं य, कज्जं तेसि विज्जए ॥३६॥ खित्तं ऊसरभूमीए, बीयं होइ मुहा जहा । विणा पत्तं तहा दिण्णो, उवएसो वि णिप्फलो ॥३७ ॥ जया जणा ण वांछेति, उवएसं य धम्मियं । उवएसो तया दिण्णो, होइ णिरत्थयो सना ॥३८॥ अओ दट्ठण दव्वं य, खेत्तं कालं य माणवं । उवएसो य दायव्वो, तित्थयरेहि साहियं ॥३९॥ आपावसं णरो को वि, तेसिं संगं करेइ णो । भग्गहीणा ण लाहं य, लहेंति लहिउं वसुं ॥४०॥ दुक्करा संगई लोए, साहूणं भणिया सया । दुक्करं य परं तेण, लाहं लहेज्ज संगओ ॥४१ ।। बोल्लीणो पावसो कालो, सणि सणि समं । आओ विहारकालो य, समणाणं कडे तया ॥४२॥ णेऊण णिअगं भारं, तत्थट्ठा मुणिणो समे । गणीसेण समं काउं, विहारं सज्जिया दुअं ॥४३ ।। विहारस्स य पुव्वं य, चंदजसो गणीवई. । आगओ बंकचूलस्स, पासं इत्थं लवेइ य ॥४४॥ कुणेमो अहुणा अम्हे, पट्ठाणं सत्तरं इओ । ठाणं पुणो य गेण्हेज्जा, दिण्णं जं पुरिमं तए ॥४५ ॥ सोऊण वयणं इत्थं, बंकचूलो भणेइ य । तेसिं दिढपइण्णाअ, पहाविओ य तक्खणं ॥४६ ।। इणं ठाणं तुहं सव्वं, वसेज्जा ससुहं इह । मा अण्णहि य वच्चेज्जा, इणं णिवेयणं महं ॥४७॥ णिसम्म तस्स वत्तं य, वज्जरेइ गणाहिवो । ण कप्पइ मणीणं य, वासो एगे पये सया ॥४८ ।।
