________________
पाइयपच्चूसो
आगम्म ताए य गिहम्मि भूहवो, बंधेइ धीरं दुहियं य अप्पयं । भासेइ किं होहिइ सोयओ सुआ, जायं य जं तं लिहियं य संपयं ॥१२ ॥ अस्सि य लोअम्मि किमत्थि अप्पयं, अण्णं य मूढा भणिउं परं णिअं । वच्चेंति दुक्खं किर तस्स णासणे, हेऊ ममत्तं हु दुहस्स सासयं ॥१३॥ णो किं वि वत्थु भुवणम्मि अप्पयं, णासे तया से दुहिया ! दुहेण किं । दुक्खं अओ तं चइऊण सत्तरं, धम्मम्मि लीणा य हुवेज्ज संपयं ॥१४॥ दाऊण इत्थं य सुअं य पेरणं, णेऊण तं दुत्ति पुरि समागओ । दुक्खस्स कालम्मि कणीण विज्जए, लोए सया भो !पियराण आसयो ॥१५॥ लभ्रूण मायापियरस्स आसयं, दुक्खस्स भारं लहुअं कुणेइ सा । धम्मे परं णो रमए य माणसं, धम्मो य कम्मेहि गुरूण दुक्करो ॥१६॥ पुष्फाइचूलो लहिउं कुसंगई, काउं य लग्गो य इओ य चोरिअं । मच्चाण किं किं अहियं ण जायए, लोअम्मि णूणं य कुसंगओ सया ॥१७॥ वित्तस्स ऊणे य कुणेति चोरियं, लोए मणुस्सा किर केइ संपयं । कुव्वेंति हा ! दुव्वसणेहि केइ भो !, मच्चाहुणा केइ कुसंगओ सया ॥१८॥ कम्मं परं भो ! अहम य विज्जए. लोअम्मि चोज्जं ति जिणेहि साहिअं । गच्छेति जिंदं वइरं य माणवा, मच्चा चएज्जा य अओ य चोरिअं ॥१९॥ सा पुष्फचूला वि णिअस्स बंधुणो, कज्जम्मि हा ! देइ सहजोगमप्पयं । मच्चं पडतं अहियं य पाडिउं, विज्जति लोए बहुणो य माणवा ॥२०॥ लद्धं सुसाए सहजोगमप्पणो- कज्जम्मि वुड्ढि य गओ मणोबलो । कुब्वेइ थेयं चइऊण सो भयं, इत्थं य पीलेइ पया य अप्पणा ॥२१॥ हा !रक्खआ होंति जया य भक्खआ, णिच्चं पयाणं कुदसा य जायए । अस्सि य काले विण किंचि माणवा, कुव्वेति तेसिं अहियोग्य णिच्छिओ ॥२२ ॥
इइ बीओ सग्गो समत्तो
(१०) वेर (वइरादौ वा-प्राव्या ८/१/१५२)। (११) अधिकम् । (१२) अहितः ।
