________________
१२५
पाइयपच्चूसो
पढमो सग्गो
.
अस्सि जंबूदीवे, अहेसि पुरा एगं णिवेसणं । रिद्धं त्थिमिअसमिद्धं, मियग्गामणामगं कंतं ॥१॥ . वसेइ तहिं भूवई, विजयणामंकियो खत्तियराया । णीइण्णू य णायवं, जणप्पिओ पयाण हियकंखी य ॥२॥ अहेसि तस्स य राणी, गुणजुआ रूवलावण्णजुत्ता य । भूवचित्ताणुगामी, मियादेवी मिउभासिणी य ॥३॥ एगया सा. पयाया, गुन्विणी संताणसुहाभिलासिणी । वम्फेइ का ण कंता, पुत्तसुहं इहइं लोअम्मि ॥४॥ जया इमो य गब्भो, ताए जठरम्मि समागओ तया ।। उअरे पउरा पीला, णिवस्स अप्पिआ वि य जाया ॥५॥ भूवो ताए पासं, ण समागमेइ ण कुणेइ य वत्तं । द₹णं इमं ठिई, एगया सा मणम्मि चिंतेइ ॥६॥ गब्भधारणस्स पुरिमं, हं अहेसि सया भूवइणो पिया । परं इयाणिं भूवो, मे णामं वि ण सुणिउमिच्छइ ॥७॥ तया भोअस्स वत्ता, तेण समं चिट्ठइ सया दविटुं । सव्वो अयं पहावो, अत्थि हु गब्भट्ठिअजीवस्स ॥८॥ अओ काहिमि विणासं, ओसहप्पओएण से जीवस्स । जम्म-पुरिमं एरिसो, जो पच्छा किं कुणेहिइ सो ॥९॥ इइ चिंतिऊण यस्सइ, ओसहप्पओएण तं णासिउं । परं स णस्सइ णाई, अस्थि सुबलवं आउकम्मं ॥१०॥ तया होऊण विमणा, सा से गब्भस्स कुणेइ पालणं । पडिपुण्णे णवमासे, सा जम्मइ एगं सुकं ॥११॥
(२) आर्या छंद । (३) तत्र (पो हि ह स्था:-प्रा. व्या. ८।२।१६१)। (४) मृगादेवी । (५) अस्य । (६) यस्यति-प्रयत्न करोति । (७) तस्य ।
