________________
पाइयपच्चूसो
सोऊण केसिस्स य जुत्तिपुव्वं, वयं तयाणिं णिवई कहेइ ।। णेऊण हेऊणि इमे परेआ, ण अत्थ चे आगमिउं समत्था ॥३९॥ तयाणि वत्तं अवरं सुणेज्जा, जओ मयं सिज्झइ मज्झ सम्म । मझं सया आसि पिआमही य, सुधम्मलीणा मइ णेहपुण्णा ॥४०॥ कालं लहित्ताण दिवं गया सा, मयाणुरूवेण भवाण दाणिं । . आगम्म सा अत्थ कहेज्ज मं चे, सुधम्मलीणो हुव णत्तुओ ! तुं ॥४१॥ धम्मो य ताणं मणुआण अत्थि, लहेइ धम्मी सुगइं य अत्थ । धम्मप्पहावेण मए पलद्धो, सुरालयो संपइ पोत्त ! सक्खं ॥४२ ॥ आराहणिज्जो तुमए वि धम्मो, महं इमा अत्थि य पेरणा य । वीओ य कालो पउरो य ताए, मइं गयाए ण परं समाआ ॥४३॥ जाओ दढो मज्झ अओ विआरो, तणूअ अत्ता अण अत्थ भिन्नो । सोऊण भूवस्स इमं य वाणिं, कहेइ केसी पडिबोहमाणो ॥४४ ॥ देवालये तं य गमेज्ज भूव !, कयाइ सज्जो हुविऊण झत्ति । एगो मणुस्सो पिसुणेज्ज इत्थं, पुरीसगेहम्मि ठिओ तुमं य ॥४५ ॥ पासम्मि मज्झं सई आगमेज्जा, तुमं य चिट्ठज्ज य किंचि कालं । किं तुं तया चिट्ठिहिसे य तत्थ, चवेइ भूवो अण हं कयाइ ॥४६ ॥
(जुग्ग) पुच्छेइ केसी अण जाणहेडं, कहेइ भूवो मलिणं य ठाणं । सोच्चाण भूवस्स इमं य वाणिं, चवेइ केसी पडिबोहमाणो ॥४७ ॥ मच्, लहेऊण पिआमही ते, दिवं गया मज्झ मयाणुरूवं । णेऊण चत्तारि य कारणाई, ण पच्चलो आगमिउं सुपव्वो ॥४८॥ बीयाणि ताइं य इमाणि संति, तुमं सुणेज्जा अवहाणचित्तो । होऊण गिद्धो तिअसाण भोगे, सुरो तयाणिं णवजायगो य ॥४९॥ वम्फेइ णाई मणुआण भोगा, अओ ण सो अत्थ समागमेइ । गिद्धो जया होइ सुराण भोगे, सुरो णवीणो य तयाणि तस्स ॥५०॥ णेहो मणुस्सा पइ होइ णट्ठो, अओ ण सो अत्थ समागमेइ । देवाण भोगे हुविऊण गिद्धो, सुरो तयाणिं णवजायगो य ॥५१॥
(९) नारका:
(१०) सकृत्
