Veer Shiromani Vastupal Part 01

SR No.: 006161
Original Sutra Author: N/A
Total Pages: 196
Language: Gujarati
Classification: Book_Gujarati
File Size: 14 MB

Page 23

ગુજરાતનો નાથ. નિયમિત વખતે ગુજરાતને નાથ ભીમદેવ, મુખ્ય મંત્રી શ્રીધર સાથે સભાખંડમાં આવી પહોંચ્યો. મંત્રીઓએ અને સરદારોએ ઉભા થઈને તેને માન આપ્યું. ભીમદેવ પિતાનાં આસને બેઠે, એટલે બીજા બધા પણ યોગ્ય આસન ઉપર બેસી ગયા. કેટલોક સમય વિચારમાં વ્યતિત કર્યા પછી ભીમદેવે સર્વને સંબધીને કહેવા માંડયું. " વિશ્વાસુ મંત્રીઓ અને સરદારે ! ભગવાન સોમનાથની કૃપાથી આપણે યવનોને હાંકી કહાડવા અને વિશ્વાસઘાતી જયંતસિંહને હરાવી પાટણને કબજે કરવા ભાગ્યશાલી થયા છીએ અને તેથી હવે ગુજરાતનાં રાજ્યને સુવ્યવસ્થિ રીત્યા ચલાવવાની અગત્ય રહે છે અને એ બાબતમાં વિચાર કરવાને માટેજ મેં અત્યારે તમને સર્વને એકત્ર કર્યા છે. પાટણની રાજ્યસત્તાને પુનઃ પ્રાપ્ત કરવામાં તમે મને જે સહાય કરી છે, તે માટે હું તમારા સર્વને ઘણો જ ઉપકાર માનું છું એટલું જ નહિ, પણ તેને બદલે આપવાનું યોગ્ય વિચારું છું. તમે જાણો છો કે અત્યારની આપણી નિબળી સ્થિતિને લઈ કેટલાક મંડલેશ્વર અને સાંમતો સ્વતંત્ર થઈ ગયા છે અને તેઓ મારી આજ્ઞામાં રહેવાને ખુશી નથી. આ કારણથી અત્યારે ગુજરાતનું શાસન ચલાવવામાં આપણને બહુજ મુશ્કેલી આવવાનો સંભવ છે. અત્યારે આપણે તેમને યુદ્ધથી શું કરી શકીએ તેમ નથી; કારણ કે આપણી પાસે તેમ કરવાને પૂરતા સાધનો નથી અને તેથી હાલ એ વાતને બાજુએ રાખી શામ નીતિથી સર્વને સમજાવી ઠેકાણે લાવવાના છે અને હું આશા રાખું છું કે આ કાર્યમાં તમે મને સહાય કરશે.” લવણુપ્રસાદ તરતજ બોલી ઉઠય. “મહારાજા ! અમે વાઘેલા અને અહીં હાજર રહેલા બીજા મંત્રીઓ અને સામંતે, એ સર્વની વતી હું કહું છું કે અમે જેવી રીતે અત્યાર સુધી આપને તથા પાટણની રાજ્યસત્તાને વિશ્વાસુ રહીને સહાય કરતા આવ્યા છીએ, તેવી જ રીતે હવે પછી પણ અમારા જીવન પર્યત વિશ્વાસુ અને એકનિષ્ઠ રહીને આપનાં દરેક કાર્યમાં સહાય કરતાં રહેશું, એ ખાતરીપૂર્વક માનજે. અમે સર્વે આપના વિશ્વાસુ સેવક જ છીએ અને તેથી અમારામાં જરા પણ અવિશ્વાસ નહિ લાવવાની હું આપને વિનંતિ કરું છું. હું જાણું છું કે અત્યારનો આપણું દુર્બળ સ્થિતિને લઈ જે મંડલેશ્વરે વિશ્વાસઘાતક થઈ ગયા છે, તેને તાબે કરવાનું કાર્ય અતિ કઠીન છે, તેમ છતાં આપની આજ્ઞા હોય, તે હું આજ ક્ષણે મારાં સૈન્ય સાથે તેઓને વશ કરવાને જવાને તૈયાર છું.