Page Text
________________
ધર્મની શિક્ષા આપી ત્રણેને શિયળ ધર્મમાં સ્થિર કરી. હવે એ ત્રણે સ્વામીનાથ વિનાની હોવાથી પર પુરુષને જોતી નથી, મળતી નથી, વાત કરતી નથી. એના આ દ્રઢ નિશ્ચયની પ્રસંશા જ્યારે રાજસભામાં થઈ તે અવસરે વીરભદ્ર વામનનું રૂપ કરી ત્યાં આવી ચડ્યો. રાજાએ રાજસભામાં એ ત્રણે સ્ત્રીઓની પ્રસંશા કરી તેઓની સાથે જે વાત ક૨શે તે મારો પરમમિત્ર થશે, રાજ્યમાન્ય થશે. અવસર જોઈ વામને રાજાની એ વાત સ્વીકારી. રાજા વિ. સાથે વામન ઉપાશ્રયે ગયો. ત્યાં એ કન્યાઓની સામે રાજાની આજ્ઞાથી એક કથા (પોતાના જીવનની) કહેવાની શરૂ કરી. જ્યાં અડધી કથા થઈ ત્યાં કથા કહેવાનું બંધ કર્યું. તેથી એ કન્યાઓએ બાકીની કથા પૂર્ણ કહેવા વિનંતિ કરી. આ રીતે દૈવયોગે વીરભદ્ર પોતાની પત્નીઓ સાથે રાજાનો સન્માનીય થયો.
ખંડપત્તન નગરમાં અઢારમાં શ્રી અરનાથ પ્રભુ વિચરતા પધાર્યા. સાગરદત્ત શ્રેષ્ઠી વીરભદ્ર જમાઈ, ત્રણ પત્ની સહ પ્રભુની દેશના સાંભળવા આડંબર સહિત ગયા. પ્રભુએ રાગ-દ્વેષને શત્રુની ઉપમા આપી તેનાથી બચવા માટે ઉદ્યમ કરવા મૈત્રી આદિ ભાવના જીવનમાં ઉતારવા ઉપદેશ આપ્યો. દેશના બાદ જિજ્ઞાસા ભાવે શ્રેષ્ઠીએ પોતાના જમાઈ કયા કારણે સુખ-દુઃખ પામ્યા તે શંકા દૂર કરવા વિનંતી કરી.
શ્રેષ્ઠીનું સમાધાન કરતાં ભગવંતે કહ્યું-વીરભદ્ર પૂર્વભવે નિર્ધન છતાં નીતિ નિયમનો રાગી જિનદાસ નામે શ્રાવક હતો. એક દિવસ ચૌદમાં શ્રી અનંતનાથ ભ.ને ચોમાસી તપના પારણે ઉત્તમ ભાવથી શુદ્ધદાન આપી પારણું કરાવ્યું. દાનના ૧૦ પ્રકારમાંથી તેઓએ ધર્મદાન આપવાથી દેવતાઓએ બાર ક્રોડ સોનૈયાનિ વૃષ્ટિ સહિત અહોદાનં અહોદાનં ની ઉદ્ઘોષણા કરી. આ રીતે એ શ્રાવક ધનવાન બન્યો. ત્યાર પછી સુપાત્રે આપેલા દાનની એ નિત્ય અનુમોદના કરવા લાગ્યો. મળેલા ધનને સાત ક્ષેત્રમાં ઉદારતાથી વાપરવા લાગ્યો.
ઉપકારી ભગવંતના શ્રીમુખે પૂર્વભવે કરેલી ભક્તિની વાત જાણી આ ભવે પરિવાર સાથે સંયમ અને સંયમીની ભક્તિ કરવાનો નિર્ધાર કર્યો. પોતાની પાસે દ્રવ્ય અલ્પ હોય પણ ભાવ મહાન રાખવાથી (શાલીભદ્ર) પુણ્યાનુબંધી પુણ્ય થાય. જ્યારે દ્રવ્ય આપ્યા પછી અનુમોદનાનાં બદલે પાછું લેવાની અયોગ્ય ભાવના (મમ્મણશેઠ) કરનાર પુણ્યાનુબંધી પાપનો બંધ કરે. કોઈ જીવે ભક્તિ કરી હોય પોતે નિર્ધારિત ભક્તિ કરવાનું ભૂલી ગયા હોય તો તેની અનુમોદના કરવી (જીરણશેઠ) એવા કરણ-કરાવણ-અનુમોદનાના ઉત્તમ વિચારો કેળવી ૫૦૦ શ્રેષ્ઠીઓની સાથે ચંદ્રસાગર ગુરુ પાસે ૩૦૦ વર્ષ બાદ ચારિત્ર અંગિકાર કર્યું.
ઉપકારી ગુરુએ દેશનામાં સાધુ અને સાધુની ભક્તિ અંગે વિવેચન કરી
૬૦
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |