Page Text
________________
૮ કર્મથી રહિત થવા પ્રયત્ન કરે. ૮ મદથી અભિમાનાદિથી દૂર રહે. ૯ કલ્પી - વિહાર કરે.
૧૦ યતિધર્મને આચરે-સ્વીકારે.
૮ પ્રવચન માતાને પાળે-આચરે. ૯ બ્રહ્મચર્યની નવવાડ પાળે. ૯ કોટી (પ્રકાર)ના પચ્ચક્ખાણ લે.
સાધુ પદના ઉત્તમ આરાધક વીરભદ્ર :
આરાધનાનો પ્રતિસ્પર્ધી શબ્દ વિરાધના છે. એકનું ફળ લક્ષ્ય સુધી પહોંચવું જ્યારે બીજીનું ફળ જ્યાં છે ત્યાંથી પાછા ફરવું. સાધુના જીવનમાં સંયમ સિંહની જેમ લેવાનું ને પાળવાનું શાસ્ત્રમાં કહ્યું છે. કદાચ શિયાળની જેમ સંયમ લઈ સિંહની જેમ પાલન કરે તે ધન્યવાદને પાત્ર છે. પરંતુ સિંહની જેમ લઈ શિયાળની જેમ ઢીલા થઈ પાલન કરવું એ નકામું છે.
ચાલો-વીરભદ્રે સાધુ પદનું આરાધન કેવી રીતે કર્યું તે જોઈએ.
અવંતિદેશમાં વિશાલા નગરીમાં ૠષભદાસ શેઠ અને વીરમતી શેઠાણી રહેતા હતા. તેમના ઘરે વીરભદ્ર નામે પુત્રનો જન્મ થયો. પુત્રને વિવિધ કળાથી શેઠે કુશળ બનાવ્યો. યોગ્ય ઉંમર થતાં ખંડપત્તનના સાગરદત્ત શ્રેષ્ઠીની પ્રિયદર્શના પુત્રી સાથે પુત્રના લગ્ન કરી શ્રેષ્ઠીએ પોતાની જવાબદારી પૂર્ણ કરી.
સસરા-સાગરદત્તના આગ્રહથી જમાઈ થોડા દિવસ તો સાસરે રહ્યા. પણ એક દિવસ વીરભદ્ર જમાઈએ વિચાર્યું કે, સંસારમાં બાહુબળે જીવે તે ઉત્તમ. બાપના નામે જીવે તે મધ્યમ. માતા (મામા)ની ઓળખે જીવે તે અધમ અને સસરાના ગામે-નામે જીવે તે અધમાધમ. માટે મારે ભાગ્ય અજમાવવા અહીંથી જવું ઉચિત છે. એમ વિચારી સસરાની રજા લઈ એ સિંહલદ્વીપ પહોંચ્યો. પુણ્યવાનના પગલે પગલે નિધાનની જેમ ત્યાં રૂપ પરિવર્તની દિવ્ય ગુટીકા પ્રાપ્ત થઈ એટલું જ નહિં પણ ગુટીકાના પ્રભાવે સ્ત્રીરૂપ ધારણ કરી રાજકન્યા સાથે પ્રીતિ બાંધી. છેલ્લે મૂળ સ્વરૂપ પ્રગટ કર્યું તેથી રત્નાકર રાજાએ રાજકન્યા અનંગસુંદરીનાં લગ્ન પણ વીરભદ્ર સાથે કર્યા.
વીરભદ્રે નવી પત્ની અને દાયજામાં મળેલ વૈભવ લઈને સ્વગૃહે જવા સમુદ્રમાં પ્રવાસ શરૂ કર્યો પણ દુર્ભાગ્યે વહાણ ભાંગ્યું ને કન્યા એક પાટીયાના સહારે બીજા કિનારે પહોંચી. વીરભદ્ર પણ સાતમાં દિવસે રત્નપુર પહોંચી ગયો. અચાનક રત્નપ્રભ વિદ્યાધરે વીરભદ્રને આશ્રય આપ્યો ને પોતાની ગુણવાન પુત્રી રત્નપ્રભાને ઉત્સવથી પરણાવી. સાથે જમાઈને ગગનગામીની અને આભોગિની વિદ્યા ભેટ કરી. આમ વીરભદ્ર ત્રણ પત્ની, વિદ્યા અને ઋદ્ધિ-સિદ્ધિનો સ્વામી થયો.
સમયના પ્રવાહે વીરભદ્રની ત્રણે પત્નીઓ અચાનક સુવ્રતા સાધ્વી પાસે ઉત્તમ પ્રકારનું જ્ઞાન પ્રાપ્ત કરવા ભેગી થઈ. સાધ્વીજીએ બ્રહ્મચર્યની, એક પતિવ્રતાની, જૈન
૧૯
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |