Ghadvaiya

SR No.: 006144
Original Sutra Author: N/A
Author: Harishbhadravijay
Publisher: Navjivan Granthmala
Publication Year: 2009
Total Pages: 198
Language: Gujarati
Classification: Book_Gujarati
File Size: 6 MB

Page 64

રાજાએ પરોપકારની ભાવનાથી ઉત્તરસાધક થવાની અનુમતિ આપી
અવસર જોઈ મંત્રીએ સમકિત અને મિથ્યાત્વી સંબંધી ધર્મની વાતો કરી. મિથ્યામતિવાળા પ્રપંચી-સ્વાર્થી અને વિજ્ઞકર્તા હોય છે. તેથી એવી વ્યક્તિથી અળગા રહેવું પરિચય ન કરવો એમ શાસ્ત્રમાં કહ્યું છે. છતાં આપની મરજી ચેતીને વિચારીને પ્રવૃત્તિ કરવા વિનંતી.
રાજા અંધારી રાત્રે યોગી સાથે અરણ્યમાં ગયા. ત્યાર બાદ યોગીએ સ્મશાનમાં ઝાડ ઉપર લટકતું મનુષ્યનું શબ લાવવા કહ્યું. રાજાએ સાહસ કરી ઝાડ ઉપર ચડી શબના બંધન તોડી નીચે નાખ્યું. તે દરમ્યાન રાજાની કુળદેવીએ રાજાને ચેતવી દીધો. આ યોગી તને અગ્નિ કુંડમાં નાખી સુવર્ણપુરુષ બનાવવા ઈચ્છે છે. માટે સાવધાન થઈ “ૐ કાર મંત્રાલરનો મનમાં જાપ કરજે. જ્યારે યોગીના મસ્તકમાં પ્રકાશ જૂએ ત્યારે ભૂલ્યા વગર મને યાદ કરજે. બાકી હું સંભાળી લઈશ.
બનવાકાળ થયું પણ એવું. યોગી કપટ કરી મંત્રજાપ કરી રાજાને અગ્નિ કુંડમાં હોમવા પ્રયત્ન કરે છે, પણ સફળ થતો નથી. છેવટે રાજ્યની કુળદેવીએ યોગીને અગ્નિકુંડમાં નાખ્યો. ફળસ્વરૂપ સુવર્ણ પુરુષ તૈયાર થઈ ગયો. રાજાએ દેવીને કથન મુજબ સુવર્ણ પુરુષનો નગરીમાં પ્રવેશ કરાવ્યો. હવે રાજા સુવર્ણ -પુરુષના કારણે અનેકાનેક દીન-દુઃખીના દુઃખોનો નાશ ઉદારતાથી કરે છે.
ઘણો કાળ વીત્યા પછી રાજા પોતાને આવેલા સ્વપ્નના આધારે પ્રિયંકા નગરીની પદ્મશ્રી રાજકન્યા સાથે લગ્ન કરે છે. બન્ને જીવોએ ધર્મ ધ્યાન ઉત્તમ પ્રકારે કરવામાં મન ચોટાડ્યું હતું. વિષય સુખ ભોગવતાં પુરુષસિંહ નામે પુત્ર થયો. અચાનક રાણીને દાહજાર ઉપડ્યો. ઘણાં ઉપાય કર્યા કામ ન આવ્યા. છેવટે રાણીનું આયુષ્ય પૂર્ણ થયું.
એક દિવસ નગરીમાં ચાર જ્ઞાનના ધણી શ્રી દેવમુનિશ્વર પધાર્યા. રાજા-પ્રજા મુનિવર્યશ્રીની દેશના સાંભળવા ઉમળકાભેર પહોંચી ગઈ. મુનિશ્રીએ ઉપદેશમાં કહ્યું, રાગ અને દ્વેષ શત્રુ છે. રાગ એટલે સંસારમાં નશ્વર વસ્તુ ઉપર મોહ કરવો પછી ભલે એ પરિવારના મેમ્બર પણ કેમ ન હોય. તેથી જન્મ મરણ વધે છે. કોઈ પણ દિવસ આ રાગ દશા જીવનમાં વૈરાગ્ય પ્રગટ્યા વિના ઘટવાની નથી. વૈરાગ્ય ભાવના જ ત્યાગી બનાવશે ને ત્યાગી જ વીતરાગ થશે. માટે રામની માત્રા ઘટાડો.
જ્ઞાની ભગવંતની વાણીએ રાજા પ્રતિબોધ પામ્યો. સત્ય સમજ્યો ને પુત્ર પુરુષસિંહને સિંહાસન ઉપર બેસાડી ગુરુ ભગવંતના ચરણોની સેવા કરવા સંયમી થઈ ગયો. નિરતિચાર ચારિત્ર પાળી નવ પૂર્વના જ્ઞાની પણ થયા.