________________
હરિવિક્રમ રાજાએ હવે સમ્યગ્દર્શનની શુદ્ધિ માટે શિખરબંધી સુંદર જિનાલય બનાવી ચંદ્રકાન્ત મણિની ભ. ઋષભદેવની પ્રતિમા સ્થાપીત કરી ચંદ્રમુનિના ઉપદેશથી પુત્રને રાજગાદી ઉપર બેસાડી દીક્ષા લીધી. નિરતિચાર પણે ચારિત્ર પાળતાં દ્વાદશાંગીના જ્ઞાતા થયા. વીશ સ્થાનકની આરાધનામાં ખાસ નવમાં દર્શનપદનો મહિમા સાંભળી જાતિ અનુભવ કરી વિવિધ પ્રકારે દ્રઢતાપૂર્વક સમ્યગદર્શનનું પાલન કરવા લાગ્યા.
જીવનના અંત સમયે પણ દેવતાએ સાર્થવાહનું રૂપ ધારણ કરી મુનિની પરીક્ષા કરવા વિવિધ પ્રયત્નો કર્યા પણ દરેક વખતે એ નિષ્ફળ ગયો. છેવટે દેવમાયા સંહરી તેઓના પવિત્ર દ્રઢ સમ્યગ્ દર્શનનો મહિમા વધાર્યો.
અંતે આયુષ્ય પૂર્ણ કરી વિજયવિમાનમાં દેવ થયા. ત્યાંનું આયુષ્ય પૂર્ણ કરી પૂર્વ વિદેહમાં તીર્થકર નામકર્મ ભોગવી અનંત સુખના ભોક્તા બન્યા.
