Page Text
________________
ને અપયશનામકર્મી આદિ દુનિયામાં અનેક પ્રતિસ્પર્ધી જોવા મળે છે. ત્યારે આંધળાને આંધળો કે દૂષિત વાણી બોલનારને બોબડો કહેવો અયોગ્ય છે. કર્મસત્તાના કારણે આજનો નિર્ધન, ચોર, લૂંટારો કે ખૂની આવતીકાલે શક્ય છે ધનવાન, સાહુકાર કે સજ્જન થશે. પણ એવી વ્યક્તિને અધિકાર વિના આપણે જે આરોપ કરી પાપ બાંધીએ છીએ તે ભવિષ્યમાં ભોગવવું જ પડે છે. તેથી નિર્ગુણી કે અયોગ્ય વ્યક્તિની ઉપેક્ષા કરવામાં અલિપ્ત થવામાં હિત સમજો.
ઉદા. ગૌ, નારી, બાળક, મુનિની હત્યા કરવા છતાં જેનો ક્રોધાગ્નિ શાંત ન થયો. મનનું સમાધાન ન થયું તેવો કુર હત્યારો માત્ર શાશ્વત ગિરિરાજ શ્રી શત્રુંજય તીર્થની કાર્તિક સુદ પુનમની યાત્રા, સ્પર્શના, વંદના કરતાં તરી ગયો. પાપના પડલ વિખરાઈ ગયા.
અષ્ટાપદ તીર્થ ઉપર જવા માટેનો ભગિરથ પ્રયત્ન કરનારા ૧૫૦૦ તાપસો તપ કરી વનસ્પતિ આરોગી માંડ બીજા પદે પગથીયે પહોંચ્યા. આટ આટલા પ્રયત્ન પછી પણ પોતાનો પ્રયાસ અસફળ થતો અનુભવ્યો. બીજી તરફ અનંત લબ્લિનિધાન ગણધર ગૌતમસ્વામીએ પૂર્ણ શ્રદ્ધાથી કરેલા પ્રયત્નને સફળ થતો જોયો ત્યારે તે બધા તાપસોએ કાંઈપણ વિચાર કર્યા વગર વિનયવંત ગુરુના ચરણનું શરણું લીધું. ફળસ્વરૂપ પૂર્વ ભવની આરાધનાના કારણે અષ્ટાપદગિરિનું આરોહણ તો ન થયું પણ કેવળલક્ષ્મી અને શાશ્વત સુખના સ્વામી થયા. '
(૩) ગુણનો સંગ્રહ કરો. બગીચાનો માળી સર્વપ્રથમ જમીનને ફળદ્રુપ કરે છે. પછી ઉત્તમ પ્રકારના ફૂલોના બીજનું વાવેતર કરે છે. બીજને કાળક્રમે અંકુરો ફૂટે છે, છોડ થાય છે ત્યારે પણ એનું જતન કરે છે. છેલ્લે એક દિવસ બીજમાં રૂપાંતર ફળ જ્યારે સુવાસિત ફૂલ રૂપે થાય છે ત્યારે એ વિવેકપૂર્વક ચૂંટી ટોપલામાં ભેગા કરે છે. દરેક ક્ષણે, દરેક ક્રિયામાં જેમ માળી કાળજી રાખે તેમ આત્માર્થી જીવે ગુણનો નિધિ-ખજાનો ભેગો કરવા, સંગ્રહ કરવા પ્રયત્ન કરવો જોઈએ.
આત્મા અનેક ગુણોનો સ્વામી છે. અનંતાનંત ગુણ પ્રગટ કરવા કર્મ વર્ગણાઓને આત્માથી અલિપ્ત કરવામાં આવે તો તે પોતાના સ્વરૂપનો શાશ્વત સુખનો ભોક્તા બની શકે છે. આત્માના મૂળ સ્વરૂપને ઢાંકવાનું કામ આઠ કર્મ કર્યું છે. એનાથી સાંસારીક કે આધ્યાત્મિક સુખ ક્ષણિક પણ ભોગવી શકાતું નથી. માટે સર્વપ્રથમ ગુણનો નિધિ-ખજાનો ભેગો કરવા દુર્ગુણ કાઢવા, (સદ્ગુણ ભેગા કરવા) પુરુષાર્થ કરવો જોઈએ.
કાંકરે કાંકરે પાળ બંધાય, ટીપે ટીપે સરોવર ભરાય તેમ જો ગુણનો સંગ્રહ કરાય તો સિદ્ધગતિ દૂર નથી. આ જીવે સોમવારે જન્મ લીધો, મંગળવારે યુવાન થયો, બુધવારે સંસાર માંડ્યો, ગુરુવારે પિતા થયો, શુક્રવારે પ્રૌઢ થયો, શનિવારે વૃદ્ધ થયો અને રવિવારના સંસારમાંથી રાજીનામું આપી પરલોક ગયો તો સંસારમાં આવી શું મેળવ્યું શું ન મેળવ્યું તે વિચારવાની જરૂર છે. • પ્રભવ ચોર, રોહણીય ચોર, દ્રઢપ્રહારી, અર્જુન માળી તરી ગયા.
૬૫
| SR No. | 006142 |
| Book Title | Dharm Mahelna 21 Pagathiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2005 |
| Total Pages | 158 |
| Language | Gujarati |
| Classification | Book_Gujarati |
| File Size | 18 MB |