________________
ખુલાસો કરતાં કહ્યું કે, મારે તમારું ભોજન નહિ ચાલે કારણકે તેમાં કંદમૂળ હોય, કોથમીર હોય તથા વાસી પણ હોય. જ્યારે મારે તો આ બધાનો ત્યાગ છે !...
તેમ છતાં શેઠાણીનો આગ્રહ ચાલુ રહેતાં તેમણે થોડી સાકર અને ભાત લીધા! શેઠાણીએ બક્ષિસ તરીકે રૂપિયા આપવા ઘણા પ્રયત્નો કર્યા પરંતુ તેમણે રૂ.ની સામે પણ જોયું નહિ !!
આજે જ્યારે Top to Bottom (ઉપરથી નીચે સુધી) સર્વત્ર નીતિમત્તાનું ધોરણ સાવ તળિયે જઈ બેઠું છે, વ્યાપાર વિગેરેમાં પ્રામાણિકતાનું પાલન એ લગભગ અશક્યવત્ મનાય છે કે Out of Date ગણાય છે, તેવા આ પડતા પંચમકાળમાં આવા ચીંથરે વીંટેલા રત્ન જેવા પ્રામાણિક આત્માઓના જીવનમાંથી સહુ કોઈએ ધડો લેવા જેવો છે.
(૩૨) 'પૂજા કરવી છે પણ મંદિરને આભડાવવું વા'
ભાગ્યશાળી ભંગીની ભવ્ય ભાવના
આજથી લગભગ ૧૮ વર્ષ પહેલાંની આ વાત છે. ધર્મચક્રતાપ પ્રભાવક પ.પૂ.પંન્યાસ પ્રવર શ્રીજગવલ્લભવિજયજી મ.સા. અમદાવાદમાં શાહીબાગ વિસ્તારમાં આવેલ ગિરધરનગર જૈનસંઘના ઉપાશ્રયમાં વ્યાખ્યાન આપી રહ્યા હતા. તે વખતે ઉપાશ્રયમાં જગ્યા હોવા છતાં એક ભાઈ ઉપાશ્રયના પ્રવેશદ્વાર પાસે બહાર પગથિયા ઉપર એક બાજુ બેસીને ભારે રસપૂર્વક વ્યાખ્યાન સાંભળી રહ્યા હતા. પૂજ્યશ્રીને અચાનક આનો ખ્યાલ આવતાં પગથિયા ઉપર બેસવાનું કારણ પૂછ્યું. ત્યારે પેલા ભાઈ એ નમ્રતાથી ખુલાસો કરતાં કહયું કે, 'સાહેબ! હું જાતે ભંગી છું તેથી અહીં બેસીને વ્યાખ્યાન સાંભળું છું... કર્મસંયોગે ભંગીના ખોળિયામાં રહેવા છતાં તેની જિનવાણીશ્રવણ
૫૮
