________________
જેઓ મૂળ માંડલના વતની છે પણ હાલ અમદાવાદમાં પાલડી વિસ્તારમાં રહે છે) ના સત્સંગથી પ્રભાવિત થઈને સાતેય વ્યસનોનો ત્યાગ કર્યો છે. એટલું જ નહિ પરંતુ હોટલનું પાણી પણ તે બધા પીતા નથી! લગભગ બધા જ સભ્યોને શ્રીમદ્ રાજચંદ્ર વિરચિત આત્મસિધ્ધિશાસ્ત્ર વિગેરે આધ્યાત્મિક રચનાઓ કંઠસ્થ છે અને રોજ સ્વાધ્યાય કરે છે. આખાય હરિજનવાસમાં ઠેર ઠેર આધ્યાત્મિક સુવાક્યો લખ્યા છે.
[૬00 હરિજનો હોટલનું પાણી પણ પીતા નથી! આ બાબત કેટલી બધી અનુમોદનીય તથા અનુકરણીય છે !!].
આજે કેટલાય એવા આત્માઓ છે કે જેમને ઘરનું ખાવાનું ભાવતું જ નથી. પરંતુ હોટલો, રેસ્ટોરન્ટો અને રેંકડીઓના ચટાકેદાર ભોજન જ ભાવે છે. પછી ભલેને તે ગમે તેટલા દિવસના વાસી, કે અભક્ષ્ય કાં ન હોય ! આવા આત્માઓ આ દૃષ્ટાંતમાંથી પ્રેરણા લઈને કંઇક પરિવર્તન કરે તો સારું એ જ શુભાભિલાષા).
(૩૧) ઝાડુ કાઢતા હરિજન લાલજીભાઇની
અત્યંત અનુમોદનીય નીતિમત્તા
લાલજીભાઈ નામના હરિજનભાઈ શેરીઓમાંથી ઝાડુ કાઢીને કચરો સાફ કરવાની મ્યુનિસીપાલિટીમાં નોકરી કરે છે. એક દિવસ સોસાયટીમાં બંગલા પાસે ઝાડુ કાઢતાં તેમને સાચા હીરાનો હાર મળ્યો. બાહ્ય દૃષ્ટિએ ગરીબ પરંતુ અંતરની અમીરાતને વરેલા લાલજીભાઈએ હીરાનો હાર ઉપાડીને બાજુના બંગલામાં રહેતા શેઠાણીને ખાત્રી કરીને તેમનો હાર સોંપી દીધો!!!
તેમની પ્રામાણિકતાની કદર કરવા માટે શેઠાણીએ તેમને જમવા માટે આપ્યું તો પ્રથમ તો તેમણે સવિનય અસ્વીકાર કર્યો પરંતુ શેઠાણીએ ભોજનનો અસ્વીકાર કરવાનું કારણ આગ્રહપૂર્વક પૂછતાં તેમણે
પ૭
